Belén do Campo destaca en O Pino a mellora da seguridade viaria coa nova ponte en Domés financiada cun apoio da Xunta de máis de 120.000 €
A delegada da Xunta destacou a importancia deste tipo de actuacións para garantir infraestruturas máis seguras e adaptadas ás condicións climáticas actuais
O Pino (A Coruña), 27 de febreiro de 2026
A delegada da Xunta da Coruña, Belén do Campo, acompañada polo alcalde do Pino, Manuel Taboada, visitou a actuación a obra da nova ponte en Domés sobre o río Noa realizada co apoio da Xunta a través do PIR (Plan de Infraestruturas Rurais do 2025) da Xunta.
A intervención consistiu na substitución dunha obra de drenaxe situada nun camiño municipal ao sur de Domés, que presentaba importantes deficiencias. A infraestrutura existente tiña capacidade insuficiente en épocas de enchente, o que provocaba asolagamentos nos terreos adxacentes. Ademais, o seu reducido ancho dificultaba o paso de vehículos e impedía o cruzamento entre eles, afectando á seguridade viaria e á funcionalidade da vía.
A nova estrutura executada é un pórtico de 6x3 metros cun ancho de taboleiro de 7,2 metros, mellorando de xeito significativo a capacidade hidráulica e as condicións de circulación neste punto.
O investimento total da actuación ascende a máis de 120.000 euros. Belén do Campo subliñou que co obxectivo da intervención foi “mellorar as comunicacións, reforzar a seguridade e dar resposta ás necesidades dos concellos do rural”.
Durante a visita, a delegada destacou a importancia deste tipo de actuacións para garantir infraestruturas máis seguras e adaptadas ás condicións climáticas actuais, ao tempo que reafirmou o compromiso da Xunta coa mellora continua das dotacións e servizos nos municipios da provincia.
Neste senso destacou que no 2025 se financiaron na provincia da Coruña 13 actuacións a través do Plan de Infraestruturas Rurais cun investimento total de máis de 1 millón de euros.
Imaxes relacionadas
