Vitoria, 11 de marzo de 2026

O director xeral da PAC e do Control da Cadea Alimentaria, Juan José Cerviño, reuniuse hoxe coa directora da Fundación Elika para a Seguridade Alimentaria do Goberno Vasco, Arantza Madariaga, para avaliar vías de colaboración na loita contra o desperdicio alimentario, materia na que xa se está a traballar desde a Consellería do Medio Rural.

O encontro, que tivo lugar na Granja Modelo de Vitoria, xirou en torno a esta cuestión. Cabe sinalar que a Fundación Elika leva anos concienciando e impulsando iniciativas para previr o desperdicio alimentario no País Vasco a través dun plan posto en marcha no ano 2018 e coa creación da Plataforma de Euskadi contra o malgasto de alimentos.