Vigo, 19 de agosto de 2026

O director xeral de Comercio e Consumo, Gabriel Alén, asistiu hoxe á presentación da campaña 50 chamas do Calvario, coa que se conmemora o medio século de traxectoria da Asociación de Comerciantes e Empresarios do Calvario. Ademais, tivo ocasión de percorrer algúns dos establecementos máis antigos desta área comercial, testemuñas da evolución e constante transformación do sector.

Alí, Gabriel Alén salientou o papel do comercio na identidade das vilas e cidades galegas e destacou a importancia da remuda xeracional para garantir a continuidade dos negocios e da actividade comercial de proximidade. Neste sentido, destacou que fomentar o relevo é un dos obxectivos do vixente Plan estratéxico do comercio de Galicia 2025-2030, que se complementa co labor de asesoramento nos procesos de remuda que ofrece a Rede de polos e coas axudas económicas do Bono Remuda, incluído na orde unificada de axudas para persoas autónomas.