Santiago de Compostela, 16 de outubro de 2026

A conselleira de Economía e Industria, María Jesús Lorenzana, recibiu hoxe en San Caetano á nova directiva do Clúster de Comunicación de Galicia encabezada pola súa presidenta, Marta Ferro, e o vicepresidente, Domingo Torrón.

No encontro, Lorenzana aproveitou para analizar co clúster as oportunidades de crecemento do sector co obxectivo de reforzar a súa competitividade nun contexto cada vez máis globalizado e tecnolóxico. Ademais, puxo en valor o seu labor, que integrado por máis de 230 entidades entre empresas, asociacións profesionais, centros tecnolóxicos e de formación, representa os intereses de toda a cadea de valor da comunicación en Galicia.