Santiago de Compostela, 17 de outubro de 2026

A Consellería do Medio Rural informa que o incendio rexistrado no concello pontevedrés de Forcarei, parroquia de San Miguel de Presqueiras, quedou estabilizado ás 16,13 horas de hoxe.

Este lume iniciouse ás 05,58 horas deste sábado e, segundo as últimas estimacións provisionais, afecta unha superficie de 30 hectáreas. Para a súa extinción mobilizáronse polo de agora, de xeito acumulado, 1  técnico, 8 axentes, 14 brigadas, 10 motobombas, 2 pas, 1 avión e 3 helicópteros.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Asemade, tamén está dispoñible para a súa descarga ALume, a app para avisar sobre incendios forestais activos en Galicia. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de X: @incendios085.