Unha das iniciativas emblemáticas da Unión Europea no horizonte do ano 2020 baséase nun emprego máis eficaz dos recursos que permita acadar unha economía máis eficiente, desligando o crecemento económico do uso intensivo de recursos e de enerxía, reducindo as emisións de CO2, reforzando a competitividade e promovendo unha maior seguridade enerxética.

A Axenda, cos seus plans de impulso, constitúe o plan director da industria de Galicia 2015-2020, definido no artigo 23 da Lei 132011 do 16 de decembro, reguladora da política industrial de Galicia.

A presente estratexia de internacionalización 2020 ten como obxectivo acadar unha  fase de consolidación ou estadio superior dos distintos esforzos e accións emprendidas ao longo dos últimos cinco anos para estimular, fortalecer, expandir e consolidar a internacionalización e exportación das nosas pemes e os nosos produtos e servizos.

O sector público debe liderar a aposta pola eficiencia enerxética, de aí o marcado carácter exemplarizante deste plan, co que o Goberno galego avanza na estratexia global pola potenciación do aforro e da eficiencia en todos os sectores económicos para facer de Galicia unha comunidade á vangarda neste eido e no das enerxías renovables.

Impulsa Ourense é un proxecto posto en marcha pola Xunta de Galicia que contempla unha liña de axudas específicas á dinamización do tecido empresarial de Ourense e que está dirixido a empresas e emprendedores que teñan un proxecto empresarial de implantación nesta provincia.

Impulsa Lugo é un proxecto posto en marcha pola Xunta de Galicia que contempla unha liña de axudas específicas á dinamización do tecido empresarial de Lugo e que está dirixido a empresas e emprendedores que teñan un proxecto empresarial de implantación nesta provincia.