Plans e programas anuais/plurianuais
Ten dispoñibles para consulta 207 actuacións:
Estratexia Galega de Inclusión Educativa. EduInclusión 2030
A Estratexia Galega de Inclusión Educativa, EduInclusión 2030, é o documento de referencia en inclusión educativa e establece as liñas estratéxicas de actuación na Comunidade Autónoma de Galicia.
Plan Integral de Benestar Dixital
O Plan Integral de Benestar Dixital de Galicia nace da convicción de que a tecnoloxía pode e debe ser unha aliada do desenvolvemento humano, pero require gobernanza, educación e corresponsabilidade. A protección da infancia no ámbito dixital non é responsabilidade exclusiva das familias ou da escola: é unha tarefa colectiva e compartida que implica tamén á Administración, ás empresas tecnolóxicas, aos medios de comunicación e á sociedade no seu conxunto.
Plan xeral de xestión e mellora da calidade dos servizos do sector público autonómico de Galicia 2026-2027
O plan responde ao compromiso da Xunta de Galicia de avanzar na consolidación dos principios de boa administración e de calidade na prestación dos servizos públicos á cidadanía.
Plan de actuación do Instituto de Seguridade e Saúde Laboral de Galicia 2026
No desenvolvemento da Estratexia de Seguridade e Saúde no Traballo de Galicia: Horizonte 2027, o Instituto de Seguridade e Saúde Laboral de Galicia (Issga) planifica con carácter anual as súas actuacións como órgano técnico na materia e co máximo consenso cos/as interlocutores/as sociais.
Iniciativa Estratéxica en Seguridade, Defensa e Aeroespazo 2025-2030
A Iniciativa Estratéxica nace coa ambición de aproveitar as oportunidades que o novo contexto ofrece ás entidades galegas, xerando oportunidades profesionais tanto presentes como futuras para a mocidade galega, e convertendo estes sectores nunha panca crave para o crecemento económico e a mellora das condicións de vida na rexión
Plan EDUC-ART
O Plan EDUC-ART establece a planificación e liñas de actuación para a actualización e mellora das ensinanzas artísticas en Galicia durante o período 2025/2030
V Plan director da cooperación galega (2023-2026)
O artigo 83 da Lei 10/2021, do 9 de marzo, reguladora da acción exterior e da cooperación para o desenvolvemento de Galicia regula a planificación da Cooperación Galega. Este artigo establece que a política pública autonómica en materia de cooperación para o desenvolvemento articúlase a través do Plan director da cooperación galega, cunha duración de catro anos.
Plan de inspección en materia de seguridade industrial na Comunidade Autónoma de Galicia para o ano 2025
De acordo co título I do libro primeiro do Decreto lexislativo 1/2015, do 12 de febreiro, polo que se aproba o texto refundido das disposicións legais da Comunidade Autónoma de Galicia en materia de política industrial, e no Decreto 219/2008, do 25 de setembro, sobre inspección de industria na Comunidade Autónoma de Galicia apróbase o obxecto, contido e ámbito de actuación que fundamentan o plan de inspección en materia de seguridade industrial para o ano 2025.
Plan FPGal360
Plan de Orientación profesional integral para guiar á cidadanía na súa toma de decisións educativas e profesionais desde idades temperás e ao longo de toda a vida, co obxectivo de reducir o abandono escolar temperá, e incrementar a cualificación da poboación xove.
Plan Estratéxico de Xuventude de Galicia 2025-2027
Este plan será, consonte o establecido na Lei 6/2012, do 19 de xuño, de xuventude de Galicia, o principal instrumento para acadar a transversalidade en materia de xuventude co resto de consellerías da Xunta de Galicia, así como a coordinación coas diferentes administracións públicas que incidan no seu ámbito de aplicación.