Plans e programas anuais/plurianuais
Ten dispoñibles para consulta 209 actuacións:
Plan anual da cooperación galega 2022
O artigo 83 da Lei 10/2021, do 9 de marzo, reguladora da acción exterior e da cooperación para o desenvolvemento de Galicia regula a planificación da Cooperación Galega. Este artigo establece, no seu apartado primeiro, que a política pública autonómica en materia de cooperación para o desenvolvemento articúlase a través do Plan director da cooperación galega cunha duración de catro anos e, no punto cuarto do mesmo artigo, establécese que o órgano de dirección da Administración autonómica competente en materia de cooperación para o desenvolvemento elaborará un Proxecto de plan de acción anual, que se someterá á aprobación do Consello da Xunta.
Plan galego de estatística 2022-2026
Mediante a Lei 16/2021, do 20 de decembro, do Plan galego de estatística 2022-2026 aprobouse o instrumento de ordenación e planificación da actividade estatística da Comunidade Autónoma de Galicia.
Plan galego de financiamento universitario 2022-2026
O Plan Galego de Financiamento Universitario 2022-2026 responde aos principios de estabilidade financeira, suficiencia, eficiencia e equidade institucional e territorial. Nel inclúense os recursos precisos para converxer coas medias estatais e europeas de servizo público en ensino superior universitario.
Plan de Nova Arquitectura Pedagóxica
O Plan de Nova Arquitectura Pedagóxica está constituído polo Manual de Nova arquitectura pedagóxica, o Manual de identidade corporativa e a Resolución do 3 de decembro de 2021 pola que se determinan como obrigatorio; así como polos proxectos de construción e reforma que se rexen por estes.
Estratexia Galega de Linguas Estranxeiras 2030
A Xunta, a través do novo plan de linguas 2030, inxectará 83 M€ no sistema educativo en catro anos para accións de alto impacto e especialización na aprendizaxe de idiomas.
Plan de Infraestruturas Sanitarias de Atención Primaria
A Xunta de Galicia ten establecida unha folla de ruta que amosa a súa aposta firme e decidida pola atención primaria, elaborando un Plan de Infraestruturas Sanitarias de Atención Primaria que prevé a posta en marcha de 37 centros de saúde e a ampliación ou reformas noutros 14 xa existentes.
Estratexia de xestión do cancro en Galicia (2022-2028)
Este documento establece a visión e o plan de acción para enfrontar o reto do cancro nos próximos anos en Galicia.
Plan de acción da paisaxe da Ribeira Sacra
Un dos valores que a acción do Goberno está a defender con máis decisión é a protección da paisaxe de Galicia. Esta actuación enmárcase dentro do Plan de acción estratéxico para a Ribeira Sacra, impulsado no ano 2019 pola Consellería de Medio Ambiente, Territorio e Vivenda co fin de promover un total de 10 actuacións ambientais e de ordenación do medio físico cun orzamento de 3,5 millóns de euros para mellorar e poñer en valor este territorio, reforzando así a súa candidatura a Reserva da Biosfera.
Plan de Investimentos Conxuntos da Eurorrexión Galicia-Norte de Portugal (2021-2027)
O Plan de Investimentos Conxuntos (PIC) é o instrumento estratéxico de programación máis importante da eurorrexión Galicia e Norte de Portugal no que se planifica coordinadamente os seus investimentos para o período 2021/2027, co fin de identificar oportunidades susceptibles de ser financiadas con Fondos Europeos neste espazo xeográfico.
Plan Galego de Hospitalización a Domicilio (2019-2023)
Con este plan poténciase e consolídase a modalidade de asistencia de hospitalización a domicilio, achegándoa ao 100% dos galegos e galegas os 365 días do ano.