Plans e programas anuais/plurianuais
Ten dispoñibles para consulta 207 actuacións:
Plan Galego de Conciliación e Corresponsabilidade 2018-2021
O Plan Galego de Conciliación e Corresponsabilidade ten por finalidade a posta en marcha, a consolidación e a visibilización de actuacións de distinta índole que inciden na conciliación, desde a base da corresponsabilidade familiar, poñendo o foco nun reparto equitativo das responsabilidades doméstico-familiares entre mulleres e homes.
Plan de acción para o impulso aos contidos dixitais en Galicia – Plan DICO Mindset
O Plan DICO Mindset ten como obxectivo potenciar o sector dos contidos dixitais en Galicia, acelerando o desenvolvemento de proxectos innovadores nesta temática na nosa comunidade autónoma.
Estratexia Galega de Acción Exterior
A Estratexia Galega de Acción Exterior establece as liñas básicas que deben rexer a acción exterior da comunidade autónoma.
Plan de actividades 2018 do Instituto Galego de Seguridade e Saúde Laboral
Son as principais liñas de actividade e programas técnicos do Issga nas distintas disciplinas preventivas: seguridade no traballo, hixiene industrial, psicosocioloxía e ergonomía, e medicina do traballo. Así como a colaboración e coordinación coas outras unidades directivas con competencias na materia de PRL. Dá resposta ás funcións que corresponden ao Issga como órgano técnico-científico de SST, e á execución do segundo ano da Estratexia Galega de Seguridade e Saúde no Traballo 2017-2020.
Estratexia Galega para a Educación Dixital 2020 - Edudixital
Edudixital nace para dar resposta aos retos actuais e futuros que presenta a actual sociedade dixital, a través dun novo impulso á educación dixital.
Plan de inspección en materia de seguridade industrial e metroloxía na Comunidade Autónoma de Galicia para o ano 2017
Apróbase o Plan de inspección en materia de seguridade industrial e metroloxía en Galicia para o ano 2017, que recolle as inspeccións a realizar, divididas en sete programas.
Plan de accesibilidade turística de Galicia e do Camiño de Santiago 2016-2019
O Plan de accesibilidade turística de Galicia e do Camiño de Santiago, impulsado pola Xunta de Galicia a través de Turismo de Galicia, ten como obxecto impulsar un conxunto de iniciativas para a mellora do turismo accesible en Galicia nos próximos anos, partindo dun traballo de análise en profundidade da situación actual.
Estratexia 2020 do Turismo de Galicia
A Estratexia nace da necesidade de mellora da competitividade do noso turismo, o cal pretende posicionarse coma sector clave da economía galega, sendo precisa a colaboración dos eidos público e privado para o seu impulso, coordinación, xestión, promoción, ordenación, innovación e internacionalización.
Plan de accesibilidade do transporte interurbano ao centro urbano da Coruña
No Plan de accesibilidade do transporte interurbano ao centro urbano da Coruña concrétanse as novas rutas, os novos puntos de parada e interconexión das redes urbana e interurbana, co fin de mellorar as condicións de accesibilidade dos usuarios da rede de transporte público de viaxeiros por estrada.
Plan de prevención e defensa contra os incendios forestais de Galicia 2017
O Plan de prevención e defensa contra os incendios forestais de Galicia actualízase anualmente para a súa entrada en vigor antes do inicio da tempada de risco alto de incendios, que coincide co verán.