Plans e programas anuais/plurianuais
Ten dispoñibles para consulta 207 actuacións:
Plan Sectorial da Rede Viaria de Ourense e a súa área de influencia
O Plan Sectorial da Rede Viaria de Ourense e a súa área de influencia ten por obxecto regular a implantación territorial das infraestruturas de estradas nos Concellos de Ourense, O Pereiro de Aguiar, San Cibrao das Viñas, Paderne de Allariz, Taboadela, Barbadás, Toén, Coles, Amoeiro e Punxín cando a súa incidencia transcenda do término municipal no que se localizan ou se asenten en varios termos municipais. O plan desenvolveuse segundo o disposto no Decreto 80/2000, de 23 de marzo, que desenvolve a Lei 10/1995 de 23 de novembro de Ordenación do Territorio de Galicia.
Plan de Prioridades Sanitarias 2014-2016
O Plan de Prioridades Sanitarias 2014-2016 revisa e actualiza o anterior (con vixencia entre 2011 e 2014) e ten como obxectivo estratéxico diminuír a enfermidade e responder ao espírito de mellora continua do sistema. O Plan recolle 17 prioridades que inclúen 108 obxectivos, 248 accións de mellora e 344 indicadores deseñados para a súa monitorización e seguimento.
Estratexia de Especialización Intelixente da Eurorrexión Galicia-Norte de Portugal (RIS3T)
A Estratexia de Especialización Intelixente da Eurorrexión Galicia-Norte de Portugal (RIS3T) é a primeira RIS3 transfronteiriza da UE. Esta ferramenta permitirá xerar crecemento económico, emprego de calidade e benestar social impulsando conxuntamente fortalezas e retos comúns na Eurorrexión.
Plan de Turismo Termal 2014-2020
Esta estratexia para o desenvolvemento do turismo termal nos anos 2014-2020 ten como obxectivo central poñer en valor turístico os recursos naturais e culturais de Ourense, estruturando a oferta, os recursos e os servizos de tal xeito que conduzan á creación do destino Ourense, Provincia Termal.
Plan de Axilización Administrativa 2014-2016 (Plan Achega)
Un plan que pretende alcanzar un máximo grao de achegamento da administración á cidadanía, unha administración máis eficaz e que garanta que as relacións da administración cos cidadáns e empresas sexan simples, áxiles e rápidas.
Smart Turismo - Plan de desenvolvemento das TIC no eido do Turismo
Smart Turismo xurde da necesidade de que a innovación e a tecnoloxía sexan os factores vertebradores e eixes da modernización do sector turístico de Galicia, xa que este é un sector con capacidade de se converter nun dos motores do desenvolvemento económico, creación de emprego e crecemento económico.
Plan de Artesanía de Galicia
O Plan de Artesanía de Galicia 2014 – 2016 ten por obxectivo fundamental o de desenvolver unha estratexia de promoción, impulso e mellora da competitividade do sector da artesanía galega. O Plan configúrase como unha estratexia específica para Artesanía de Galicia. Conta na súa elaboración coa participación do propio sector e as súas achegas para alcanzar a mellor folla de ruta a seguir.
Estratexia de Especialización Intelixente de Galicia 2014-2020 (RIS3 Galicia)
Estratexia para a investigación e innovación en Galicia baseada no concepto de Especialización Intelixente e na que, a través dun amplo proceso participativo de reflexión e de consenso, identificáronse as áreas nas que Galicia debería especializarse e concentrar os recursos dispoñibles para asegurar a eficiencia dos esforzos en materia de I+D+i.
Plan Xermola para a prevención da obesidade infantil en Galicia
O Plan Xermola ten por obxecto diminuír a prevalencia da obesidade na poboación infantil e xuvenil de Galicia (menores de 18 anos) nun prazo de 8 anos, mellorar o patrón alimentario e de actividade física da poboación infantil e xuvenil como principais determinantes actuais desta patoloxía e actuar sobre outros que vaia identificando a evidencia científica.
Plan Integral de Turismo de Galicia 2014-2016
A modo de estratexia colectiva para consolidar a Comunidade nos mercados nacionais e internacionais, este plan integral identifica as grandes fortalezas de Galicia para competir como destino único: riqueza natural, calidade das augas termais e da gastronomía, o Camiño de Santiago e o patrimonio artístico e cultural.