Alta de usuario

Para empregar Chave365, vostede ten que darse antes de alta. Pode facelo por dúas vías:

• De maneira electrónica a través da sede electrónica da Xunta, mediante o procedemento de alta en Chave365. Neste caso a alta é inmediata. Para solicitala necesita ter instalado no navegador un certificado electrónico válido para ese mesmo NIF, DNI electrónico ou dispoñer de Cl@ve.
• De maneira presencial, dirixíndose a calquera dos órganos ou unidades administrativas da Xunta de Galicia que realicen as funcións de rexistro de usuarios Chave365, que pode consultar nesta relación. Debe acudir persoalmente e acreditar a súa identidade mostrando o documento de identificación válido e vixente: DNI ou NIE orixinais, válidos e vixentes. Para as persoas estranxeiras, a identificación farase mediante:
  • a) TIE (tarxeta de identificación de persoas estranxeiras)
  • b) Tarxeta vermella (asilo), certificado de rexistro de cidadáns/ás da UE ou documento oficial de concesión do NIE xunto co seu pasaporte).
  Pode solicitar cita previa aquí.

Antes de empregar Chave365 por primeira vez, debe cambiar obrigatoriamente a clave de acceso provisional (ou contrasinal) recibido por SMS por unha elixida por vostede. Consulte aquí como modificar a clave. Por razóns de seguridade, é necesario actualizar o contrasinal polo menos unha vez ao ano.

Se non recibe a mensaxe SMS coa clave de acceso en poucos minutos, póñase en contacto co servizo de atención cidadá 012 para confirmar que se enviou. En caso de que a enviase pero non a recibise, deberá contactar co seu provedor de telefonía ou revisar a configuración do seu terminal.

Renovación de usuario

O usuario de Chave365 ten unha validez de 4 anos desde a súa alta no sistema. Transcorrido ese período, prodúcese a súa caducidade. Para evitar que isto aconteza, deberá solicitar a renovación do seu usuario dentro dos 60 días anteriores á caducidade. Esta renovación pode facela:

• De maneira presencial en calquera oficina que realice as funcións de rexistro de usuarios de Chave365
• Na sede electrónica da Xunta, na opción "Os meus datos" no apartado Chave365

Lembre que, tras a súa solicitude, recibirá un SMS no seu teléfono informándolle que o seu usuario foi renovado correctamente.

Se non solicitou a renovación e o seu usuario caducou entón xa foi dado de baixa de forma automática no sistema de Chave365. No caso de que necesite empregar novamente Chave365 deberá darse de alta de novo no servizo.

Consulte aquí cando e como renovar o seu usuario.

Modificación de datos e baixa en Chave365

A modificación de datos ou baixa do servizo do seu usuario de Chave365 pode facela:

• De forma presencial dirixíndose a calquera dos órganos ou unidades administrativas da Xunta de Galicia que realicen as funcións de rexistro de usuarios Chave365, que pode consultar nesta relación.
• Na sede electrónica da Xunta accedendo a "A miña sede", sección de Chave365 na opción de menú de "O meu perfil" (para a baixa de usuario Chave365 ou modificación do teléfono asociado).
• A través da aplicación móbil XuntaEu, na opción Chave365 (para a baixa de usuario Chave365 ou modificación do teléfono asociado).
• Ademais, se dispón de certificado dixital, DNI electrónico ou Cl@ve, pode proceder á baixa do seu usuario e volver a xestionar a alta a través do procedemento de alta/renovación de usuario en Chave365.

Bloqueo da clave

Pode solicitar o desbloqueo da clave concertada chamando ao 012.

Onde xestionar presencialmente Chave365

Consulte a relación de órganos ou unidades administrativas da Administración xeral e do sector público autonómico de Galicia que realizan as funcións de rexistro de usuarios de Chave365.

Posibilidade de rexenerar as claves de forma non presencial

A cidadanía poderá empregar o asistente en liña de eServizos (de forma preferente) https://www.xunta.gal/eservizos/soporte-tecnico/asistente-en-lina ou o servizo de atención telefónica no 012.