Hemeroteca
Ten dispoñibles para consulta 28027 novas:
Galicia mantén o inicio do curso escolar para o 10 de setembro, coa incorporación gradual do alumnado
Todo Infantil e Primaria organizarase en grupos de convivencia estable, mentres que a distancia de seguridade para ESO, Bacharelato e FP se fixa en 1,5 metros
A Xunta analizará medidas de calmado de tráfico no treito antigo da estrada PO-531 ao seu paso polo Concello de Barro e ofrece a transferencia desta vía ao eido local
A conselleira e o alcalde coinciden na necesidade de coñecer a solución definitiva da autovía estatal A-57 ao seu paso por este concello e as súas implicacións sobre o tráfico da estrada autonómica
A Xunta prevé devolver á produción este ano unhas 1.300 hectáreas de terreo grazas á iniciativa das aldeas modelo
Foi o que destacou José González, que tamén se reunirá esta mesma tarde cos comuneiros de Moreiras-Trelle para buscar fórmulas que aposten pola multifuncionalidade dos montes da zona
O Pazo de Quián acolle hoxe e o mércores dous cursos sobre os queixos galegos con Denominación de Orixe organizados pola Xunta
Abordaranse aspectos como as características, calidades e particularidades destes produtos, os seus procesos de elaboración, os elementos propios de cada denominación, os consellos reguladores e a súa análise sensorial
Anxo M. Lorenzo presenta o ciclo 'Camiño de Cantares' con dous libros-cd e nove concertos en localidades da ruta xacobea
As publicacións titúlanse ‘Libro de órgano da Catedral de Tui (séc. XVIII)’ e ‘Libro III de Polifonía (séc. XVII-XVIII)’ que serán interpretados este sábado e o 12 de setembro respectivamente
A nova fase dos traballos de acondicionamento da rúa Marcelo Macías, entre a Avenida de Portugal e a glorieta do Olivo, fan necesario un cambio nos desvíos de tráfico desde mañá
Para seguir avanzando nas obras e minimizar no posible as obrigadas afeccións ao tráfico, xa se está a traballar hoxe na sinalización do corte da rúa e nos desvíos para a circulación de autobuses e vehículos lixeiros
Extinguido o incendio rexistrado no concello pontevedrés de Crecente, parroquia de Filgueira, que tamén afecta o veciño municipio ourensán de Cortegada, parroquia de Rabiño
Segundo as últimas medicións, o lume afectou unha superficie de 36,4 hectáreas
Arrinca a campaña de conservación e reforzo de firme nas autoestradas autonómicas A Coruña-Carballo e Puxeiros-Valmiñor
Traballarase desde mañá na AG-55, e a partir da vindeira semana na AG-57
A Xunta traslada ás empresas e aos sindicatos o protocolo de prevención fronte á covid no autobús compartido para blindar a seguridade dos usuarios ante o inicio do curso
Vázquez Mourelle asegura que estas medidas farán do autobús compartido o medio de transporte público máis seguro, con normas máis exixentes que no autobús urbano, no tren ou no avión
