A conselleira de Política Social e Igualdade visitou o centro acompañada da alcadesa do concello, Nidia Arévalo
Fabiola García anuncia a creación de cinco novas prazas públicas de atención residencial en Mos
Destínanse máis de 62.000 euros a ampliar os servizos de atención á discapacidade que oferta este centro
Mos (Pontevedra), 28 de abril de 2024
A conselleira de Política Social e Igualdade, Fabiola García, anunciou esta mañá en Mos a creación de cinco novas prazas públicas de atención residencial na vivenda tutelada de Cogami cun investimento de 62.600 euros, para seguir mellorando os servizos de atención ás persoas con discapacidade desta comarca e das súas familias. Fíxoo durante unha visita ao centro na que estivo acompañada da alcaldesa do concello, Nidia Arévalo.
A conselleira subliñou o apoio do Goberno galego aos entidades do ámbito da discapacidade a través das axudas con cargo ao 0,7% do IRPF; liñas de subvención específicas para os seus programas ou o blindaxe de máis de 5.000 prazas públicas a través do concerto social.
Ao respecto, Fabiola García apuntou que o Executivo autonómico sitúa a atención á discapacidade como unha das súas principais prioridades. Neste ano 2024, a Consellería de Política Social e Igualdade destina máis orzamento que nunca antes a esta área: máis de 170 millóns de euros.
Imaxes relacionadas
