A Coruña, 31 de outubro de 2024

A delegada da Xunta, Belén do Campo, participou no minuto de silencio na Delegación del Gobierno en solidariedade coas vítimas e damnificados pola DANA. 

A delegada trasladou unha mensaxe de solidariedade coas vítimas, damnificados e familias afectadas polas intensas choivas e inundacións en Valencia e Castela a Mancha. En nome da Xunta de Galicia enviou todo o seu apoio aos afectados e agradeceu aos equipos de emerxencia e voluntarios todo o esforzo que están realizando nestes momentos tan difíciles. A representante da Administración autonómica tamén trasladou que Galicia está a completa disposición das comunidades afectadas.