Ferrol, 4 de decembro de 2024

A delegada territorial da Xunta en Ferrol, Martina Aneiros, participou esta tarde no centro cultural Torrente Ballester no showcooking de cociña fusión Pan de Barco, un evento que combina a gastronomía co turismo industrial organizado polo Concello de Ferrol coa colaboración de Turismo de Galicia.

Os cociñeiros ferroláns Daniel López, Alejandro Martínez, Mar Lago e Adrián Pérez foron os encargados de elaborar as receitas que se puideron degustar durante o acto e para as que se inspiraron nas culturas dos barcos que navegaron desde outros países ata a cidade naval durante os últimos tres séculos.

Para levar a cabo estas propostas os participantes desta primeira edición de Pan de Barco realizaron previamente un labor de investigación no que rescataron elaboracións doutras latitudes que fusionaron con ingredientes da gastronomía galega.