Vigo, 25 de febreiro de 2025

A delegada territorial da Xunta de Galicia en Vigo, Ana Ortiz, asistiu este martes ás instalacións do IES Carlos Casares para participar nos actos celebrados con motivo do Día de Rosalía de Castro. Entre as actividades para honrar á poetisa galega o alumnado recitou versos de Follas Novas e Cantares Gallegos, ademais de interpretar pezas como Negra Sombra, do compositor Xoán Montes; Has de cantar meniña gaiteira, musicado por Violeta González Davila, ou A Rosalía, poema escrito por Curros Enríquez e musicado por Xosé Baldomir.