O director xeral de Emerxencias e Interior, Santiago Villanueva, participou na clausura do I Foro Ajdse da seguridade privada en Galicia, organizado pola Asociación de Xefes e Directores de Seguridade de España (Ajdse). O acto enmárcase na  terceira edición da Feira Internacional de Seguridade, Defensa e Emerxencias (Sedexpo) no recinto Feira Internacional de Galicia Abanca da Fundación Semana Verde, en Silleda. O evento acolleu desde o mércores case un cento de expositores con produtos, sistemas e solucións innovadoras nestes tres sectores, así como medio cento de conferencias e simulacros e demostracións.