Santiago de Compostela, 20 de maio de 2025

A directora xeral de Persoas con Discapacidade, Begoña Abeijón, visitou esta mañá en Santiago aos usuarios da Asociación Fonte da Virxe que conta cunha ampla traxectoria na visibilización da saúde mental.

O Goberno galego colabora con esta entidade a través da financiación de prazas no seu centro ocupacional e tamén a través da convocatoria de axudas con cargo ao 0,7% do IRPF. Pola súa banda, a directora xeral agradeceu a dedicación e os servizos que desenvolve a Asociación Fonte da Virxe e amosou o compromiso da Xunta de Galicia para seguir a impulsar novas iniciativas e programas que permitan asesorar e acompañar ás persoas con enfermidades mentais.