A Coruña, 6 de xuño de 2025

A directora xeral de Persoas con Discapacidade, Begoña Abeijón, visitou esta mañá a sede da Asociación de Dano Cerebral Coruña para coñecer os proxectos nos que está traballando esta entidade.

Neste sentido, Begoña Abeijón lembrou que  a Xunta e Dano Cerebral Coruña levan anos traballando xuntos para mellorar o día a día das persoas con dano cerebral. Deste xeito, só no último ano o Executivo galego achegou máis de 190.000 euros de axudas do IRPF para a execución de novos programas de atención e para a construción da nova residencia da entidade, ao tempo que tamén  destina outros 197.000 euros para financiar unha decena de prazas no seu centro de día.