Ribeira (A Coruña), 10 de agosto de 2025

O conselleiro de Presidencia, Xustiza e Deportes, Diego Calvo, acompañado pola directora xeral de Desenvolvemento Pesqueiro, Ángeles V. Suárez, asistiu en Ribeira á IX Festa da Navalla de Aguiño. Diego Calvo salientou a calidade do produto protagonista desta celebración gastronómica, que enmarcou na excelencia dos recursos do mar de Galicia. Agradeceu tamén o labor da organización do evento, que permite a exaltación dun produto emblemático das rías galegas ao tempo que dinamiza a economía local.