Villaverde destaca a contribución da carreira da Ostra e da 7k Soutomaior á promoción dos produtos das rías
Soutomarior (Pontevedra), 29 de marzo do 2026
A conselleira do Mar, Marta Villaverde, asistiu hoxe á carreira infantil da Ostra e á primeira proba 7K Soutomaior celebrada en Arcade, que contan co apoio da Consellería, e na que participou na entrega de premios aos gañadores das categorías máis novas. Destacou a importancia deste tipo de iniciativas, que combinan a promoción dos produtos do mar co lecer e o deporte, contribuíndo, en paralelo, a dinamizar a economía local e a poñer en valor os recursos mariños de Galicia.
Deste xeito, a titular de Mar felicitou a todos os participantes e á organización destas probas deportivas, que se enmarcan no apoio da Xunta, pois segundo subliñou a conselleira “son unha forma extraordinaria para por en valor a cultura mariñeira e a excelencia e calidade dos produtos das nosas rías”.
Imaxes relacionadas
