Lugo, 1 de abril de 2026

O delegado territorial da Xunta, Javier Arias, visitou esta tarde o evento ‘HinchaLugo’, que este martes e mércores converteu o Pazo de Feiras lucense nun gran espazo de ocio infantil, coincidindo co período de vacacións escolares. A actividade, promovida pola federación de asociacións veciñais Lugo Rural Importa co apoio da Xunta, tivo unha gran aceptación e pechou cun gran éxito de público.

Durante dúas xornadas, HinchaLugo ofreceu ás familias un espazo con máis de 30 atraccións inchables de distintas temáticas, desde tobogáns ata  elementos para a práctica deportiva, circuítos, actividades multiaventura ou atraccións interactivas.