Vigo, 18 de maio de 2026

A delegada territorial da Xunta en Vigo, Ana Ortiz, visitou este luns o local social da Asociación Veciñal, Cultura e Deportiva de Cabral, que foi mellorado co apoio da Xunta no marco do plan específico de acción comunitaria. O Goberno galego investiu 15.000 euros para mellorar a zona de aparcamento, a pasarela de acceso ao salón de actos, a entrada principal e a cociña.

Segundo explicou a representante autonómica, as achegas proceden da Dirección Xeral de Administración Local dentro do programa de apoio ao asociacionismo local para facilitars espazos axeitados para o desenvolvemento do seu labor a prol da dinamización da vida social e cultural da contorna.