Bueu (Pontevedra), 22 de maio do 2026

A directora xeral de Desenvolvemento Pesqueiro, Ángeles V. Suárez, participou este venres en Bueu no acto de Homenaxe á Muller do Mar, organizado pola confraría e no que se distinguiu a traxectoria da peixeira Amalia González Piñeiro.

Na súa intervención, V. Suárez puxo en valor o labor de todas as profesionais da cadea mar-industria, destacando “a dignidade, o esforzo e a humanidade de todas elas”. Ao mesmo tempo, definiu o oficio das peixeiras como “a ponte entre o porto e a mesa”. A homenaxeada recibiu así o recoñecemento de todo o sector, pois, tal e como lembrou a directora xeral, “honrar ás mulleres do mar é honrar a Galicia e á nosa identidade”.