Santiago de Compostela, 31 de xullo de 2026

O director xeral de Pesca, Acuicultura e Innovación Tecnolóxica, Isaac Rosón, mantivo unha xuntanza cos directivos da Confraría de Pescadores do Grove para avaliar liñas de traballo conxuntas para reforzar a competitividade e a sostenibilidade do sector marítimo-pesqueiro local. O encontro, enmarcado no contacto permanente que a Consellería do Mar coas entidades do sector, permitiu analizar o impacto das actuacións realizadas polo pósito a través das diferentes liñas de axuda autonómicas.

Na reunión, abordáronse de primeira man as necesidades actuais dos profesionais que desenvolven a súa actividade no ámbito da confraría meca, co obxectivo de estudar e deseñar novas liñas de colaboración que permitan avanzar na competitividade, na seguridade e na sustentabilidade da actividade estratéxica da zona. O director xeral reafirmou o compromiso da Xunta de seguir cooperando estreitamente coa Confraría do Grove, no marco do modelo de cogobernanza na xestión pesqueira e marisqueira na comunidade, para garantir a sustentabilidade económica e ambiental dun sector estratéxico para Galicia.