Ferrol, 1 de setembro de 2026

A delegada territorial da Xunta en Ferrol, Martina Aneiros, mantivo esta mañá unha reunión de traballo con representantes da Asociación de Familiares de Enfermos de Alzheimer e outras Demencias da Comarca de Ferrolterra (AFAL Ferrolterra), co fin de coñecer os proxectos no que está a traballar actualmente a entidade social.

Durante o encontro, que se enmarca no proceso de escoita activa que vén desenvolvendo a Delegación Territorial coa finalidade de coñecer de primeira man as necesidades e demandas do territorio en referencia á Administración autonómica, tamén se analizaron novas vías de colaboración.