A rede CeMIT conectará a preto de 1.500 nenos e nenas de toda Galicia con Papá Noel a través de videoconferencia

Alumnado de entre 3 e 7 anos de 32 concellos das catro provincias participarán nesta actividade entre os días 10 e 20 de decembro

Por undécimo ano consecutivo a rede CeMIT dará soporte técnico á conexión con Laponia

Santiago de Compostela, 6 de decembro de 2018
  • whatsapp

Entre os días 10 e 20 de decembro 1.478 alumnos de educación infantil de 32 concellos de Galicia poderán realizar as súas peticións de Nadal a Papá Noel grazas á rede de videoconferencia das aulas CeMIT, presentes en todas as comarcas galegas.

Así, os escolares de Educación Infantil de Muros, Celanova, Marín e Barreiros serán os primeiros que reciban esta visita nas aulas CeMIT destes concellos. Este intercambio de mensaxes comezará o luns 10 de decembro a partir das 10 da mañá, cunha duración de media hora en cada localidade.

Por toda Galicia

Nos seguintes días, ata o 20 de decembro inclusive, conectarán con Laponia as aulas CeMIT de Abegondo, Arzúa, Bande, Bearíz, Betanzos, Boiro, A Cañiza, Carballedo, Castrelo do Miño, Castro Caldelas, Catoira, Cerceda, Ferrol, Fisterra, Leiro, Narón, Negreira, Ourense, Ortigueira, Pontedeume, Quiroga, Santa Comba, Sarreaus, Valga, O Vicedo, Vilagarcía, Vimianzo e Xunqueira de Ambía, ata completar así as 31 localidades que recibirán a visita virtual do noso Papá Noel e un1.478 total de 48 sesións

Ademais dos alumnos de educación infantil dos diferentes colexios de Galicia, tamén terán a posibilidade de solicitar en directo os seus agasallos a Papá Noel o alumnado maior de idade do Centro Pai Menni de persoas con discapacidade de Betanzos e o alumnado con necesidades educativas especiais de Vilagarcía de Arousa

O obxectivo desta actividade, que neste ano cumpre o seu undécimo aniversario e que conta cun gran interese e aceptación entre a comunidade educativa, será facilitar a comunicación entre Papá Noel e os nenos e nenas destas localidades, que poderán falar un por un e interactuar con el poucos días antes da Noiteboa, cando se atendan as peticións de agasallos de todos os nenos do mundo.

Con este tipo de experiencias, a rede CeMIT da Xunta de Galicia busca converter estas aulas multimedia en puntos de encontro dos municipios e dar a coñecer todas as posibilidades que ofrece este tipo de espazos de comunicación e a tecnoloxía da que dispoñen.

A Rede CeMIT

A Rede CeMIT (Rede de Centros para a Modernización e a Inclusión Tecnolóxica), está integrada por 98 aulas, presentes en 92 concellos e 53 comarcas co obxectivo de promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar á pemes e micropemes as vantaxes da sociedade da información.

Ademais do Plan de Formación, a Rede CeMIT desenvolve campañas de sensibilización e divulgación da importancia e beneficios das TIC entre a cidadanía, empresas e outros colectivos coa organización de charlas e conferencias. Paralelamente, a maioría dos centros da Rede contan co servizo de “aula aberta”, que posibilita o acceso libre e de balde dos usuarios á utilización do equipamento co apoio e asesoramento dun axente especializado.

A listaxe completa e a localización das aulas CeMIT poden ser consultados aquí.

Horarios de conexión de cada aula

 

LUNS
10 DECEMBRO

 
10:00
MUROS

EEI de Muros

10:30
CELANOVA

Sagrado Corazón

11:00
MARÍN
EEI O Grupo
12:30
BARREIROS

C.E.I.P. San Cosme

   
   
 

MARTES
11 DECEMBRO

 
10:00
VALGA

CRA VAalga

10:30

CASTRELO DE MIÑO

CEIP Castrelo de Miño

11:00
BOIRO

CEIP Santa Baia

11:30
BOIRO

CEIP Santa Baia

12:00
VALGA

CRA Valga

   
   
 

MÉRCORES
12 DECEMBRO

 
10:30
BARREIROS

C.E.I.P. San Miguel

11:00
ARZÚA

CEIP Arzúa

11:30
BANDE

CAS Bande

   
   
 

XOVES
13 DECEMBRO

 
10:00
PONTEDEUME
CPI Atocha
10:30
PONTEDEUME
CPI Atocha
11:00
SARREAUS

CPI de Sarreaus

11:30
BETANZOS

PAI MENI - Ed. Especial

12:00

XUNQUEIRA DE AMBIA

Colegio Padre Crespo

   
   
 

VENRES
14 DECEMBRO

 
10:30
NEGREIRA

Fundación Discapacitados Psíquicos Val de Barcala

11:00
CELANOVA

Curros Enríquez

11:30

BETANZOS

Escola Infantil Municipal

12:00
FERROL

CEIP Recimil

12:30
ARZÚA

Nosa Sra. Rosario

13:00
NEGREIRA

CEIP O Coto

 

 

LUNS
17 DECEMBRO

 
10:00
ORTIGUEIRA

CEIP José Mª Lage

10:30

SANTA COMBA

CPR Plurilingüe Nuestra Señora Inmaculada

11:00
FISTERRA

Mar de Fora / Areouta

11:30
ORTIGUEIRA

CEIP José Mª Lage

12:00
FISTERRA

Nosa Señora do Carme

12:30
LEIRO

C.E.I.P. Emilia Pardo Bazán

   
   
 

MARTES
18 DECEMBRO

 
10:00
OURENSE

CEIP As Mercedes

10:30

CAÑIZA, A

CPI da Cañiza

11:00
ABEGONDO

CEIP San Marcos

11:30

CAÑIZA, A

CEIP de Valeixe

12:00
CERCEDA

CPI O Cruce

12:30
VILAGARCÍA

CPR San Francisco

13:00
VILAGARCÍA

CEE Vilargacía - disc. Funcional

   
 
 
 
 
 
 
 
 
 
 

MÉRCORES
19 DECEMBRO

 
10:30
CERCEDA

CPI O Cruce

11:00
VIMIANZO

CEIP San Vicenzo

11:30

VICEDO, O

CEIP O Vicedo

12:00
VIMIANZO

CEIP San Vicenzo

12:30

CATOIRA

CPI Progreso de Catoira

13:00

VICEDO, O

CEIP O Vicedo

   
  
 
   
 

XOVES
20 DECEMBRO

 
10:00
NARÓN
A Solana
10:30
NARÓN
A Solana
11:00
BEARÍZ

CEIP de Bearíz

11:30
CARBALLEDO

CEIP Xosé Luís Taboada

12:00

CASTRO CALDELAS

CEIP Virxe dos Remedios

12:30
QUIROGA

CEIP de Quiroga


Data de actualización: 06/12/2018