O vicepresidente segundo e conselleiro de Presidencia, Xustiza e Deportes, Diego Calvo, acompañado polo delegado territorial da Xunta na Coruña, Gonzalo Trenor, participou hoxe na Coruña na presentación do novo libro do avogado e político venezolano Antonio Ledezma Carlos Andrés Pérez. El presidente que murió dos veces. Na súa intervención Calvo sinalou a relevancia desta obra para afondar nunha figura clave na historia recente de Venezuela e na defensa da democracia e as liberdades, na que tamén apuntou o autor como referente.