A Xunta aproba o pago do complemento autonómico ás pensións non contributivas
Trátase dun pagamento único anual de 218 euros que se ingresa automaticamente nas contas bancarias dos beneficiarios, sen ter que solicitalo ou facer ningún trámite
O Executivo autonómico destina a esta axuda algo máis de 8 millóns de euros
O Consello da Xunta aprobou hoxe o complemento autonómico para as arredor de 37.000 persoas que perciben en Galicia unha pensión non contributiva. O Goberno galego achegará a todas elas unha axuda extraordinaria de 218 euros nun pago único anual que recibirán de maneira automática nas súas contas bancarias ao longo deste mes de febreiro, sen necesidade de que o soliciten e sen facer trámite algún.
A Administración autonómica destina algo máis de 8 millóns de euros a este complemento, que ten por finalidade mellorar a capacidade adquisitiva das persoas que o reciben. Está dirixido a beneficiarios de pensións de xubilación e invalidez nas súas modalidades non contributivas, do fondo nacional de asistencia social e do subsidio de garantía de ingresos mínimos.
Imaxes relacionadas
