Actualidade
Ten dispoñibles para consulta 717 novas da área temática Transporte:
A Xunta reforza desde o día 23 os servizos de autobús de Fisterra a Camariñas para atender aos alumnos de Muxía que estudan bacharelato e FP en Cee
Na liña que vai de Fisterra a Camariñas habilítase un servizo ás 14,15 horas para a saída do mediodía e créase unha nova expedición de volta os luns pola tarde ás 18,15 horas
A Xunta reforza os equipos de emerxencias municipais fronte ás nevaradas con coitelas quitaneve
O director xeral de Emerxencias e Interior e o delegado territorial da Xunta en Lugo participaron na entrega das dotacións, que suman un investimento de 55.660€
Ethel Vázquez salienta os 700.000 viaxeiros da estación de autobuses intermodal de Ourense en 2 anos en servizo e urxe ao Goberno de España a completar a infraestrutura
Vázquez Mourelle destaca que en 2021 a estación rexistrou máis de 253.000 viaxeiros e en 2022 subiu ata os 407.800, un aumento do 60 % desde a súa posta en servizo
Galicia e Castela e León exixen ao Goberno de España información sobre a afección do contrato fallido de Renfe á renovación dos seus trens de ancho métrico
Ambos os gobernos autonómicos dirixíronse á secretaria de Estado de Transportes, Mobilidade e Axenda Urbana para solicitar información sobre o estado de execución do contrato e os prazos de entrega previstos
A Xunta integrará os servizos de taxi na cadea de transporte público autonómico co obxectivo de favorecer desprazamentos útiles e eficientes no rural
Ignacio Maestro sinala que en concellos rurais, como Folgoso do Courel, a alternativa do taxi complementa o servizo do autobús para facilitar a mobilidade dos veciños
Galicia, Asturias e Castela e León cifran en 7.900 M€ os investimentos necesarios para o Corredor Atlántico Noroeste e demandan maior compromiso do Goberno
As tres comunidades presentan a estratexia conxunta que remitirán ao Goberno de España para que a tome de base na elaboración dun Plan Director, que recolla de forma detallada e calendarizada os investimentos e actuacións necesarias
Arias destaca o apoio da Xunta ás asociacións na xornada de convivencia cos veciños de Esperante
Lembra que ata o 17 de febreiro poden solicitarse as axudas da nova convocatoria dirixida a respaldar a actividade das comunidades veciñais
A Xunta concede 180 axudas para a adquisición de taxis adaptados á mobilidade reducida, de baixas emisións ou eléctricos, cun investimento de 904.000 €
Nesta convocatoria, as axudas ao sector do taxis facilitaron a compra de 27 vehículos adaptados; de 142 taxis de baixas emisións; e de 11 vehículos de emisións cero
Ethel Vázquez anuncia que a Xunta licitará na primavera a reforma da rúa Miño de Salvaterra para adaptala ao tráfico internacional cun investimento de case 340.000 €
Vázquez Mourelle subliña que estas obras, no treito final da rúa, contan cun prazo de execución de 6 meses, polo que se prevé que estean rematadas a comezos de 2024
