Encarnación Mercedes Tubío Lariño, secretaria xudicial do Xulgado do Social número 4 da Coruña, dou fe e certifico que neste xulgado se seguen autos número 116/2011, por instancia de Francisco Javier Vázquez Gómez contra a empresa Electricidad Mayfra, S.L., sobre cantidade, en que recaeu sentenza con data do 10.1.2013 que, copiada nos particulares necesarios, di así:

«Decisión:

Estímase parcialmente a demanda interposta por Francisco Javier Vázquez Gómez contra Electricidad Mayfra, S.L. e, en consecuencia:

Condénase a Electricidad Mayfra, S.L. a aboar ao demandante a cantidade de dous mil oitocentos oitenta e cinco euros con catorce céntimos (2.885,14 euros). Os conceptos salariais devindicarán o xuro moratorio do 10 %.

Notifíqueselles esta resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social colexiado ou representante, dentro do indicado prazo.

Se o recorrente non goza do beneficio da xustiza gratuíta deberá, ao anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que este xulgado ten aberta, facendo constar no ingreso o número de procedemento.

Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña».

E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Electricidad Mayfra, S.L., expido e asino este edicto.

A Coruña, 18 de xaneiro de 2013

A secretaria xudicial
Rubricado