De conformidade co disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, despois de intentada a notificación persoal dúas veces, emprázanse os interesados que se sinalan no anexo para seren notificados por comparecencia.
O acto foi adoptado polo director xeral de Desenvolvemento Rural.
A comparecencia deberá efectuarse, no prazo de quince días contados desde o seguinte ao da publicación deste anuncio, na sede desta xefatura territorial, situada no Edificio Administrativo de Servizos Múltiples, Monelos, A Coruña, das 9.00 ás 14.00 horas, de luns a venres.
Transcorrido o devandito prazo sen efectuarse a comparecencia, a notificación entenderase producida o día seguinte ao da publicación.
A Coruña, 1 de febreiro de 2013
Antonio Manuel Aguión Fernández
Xefe territorial da Coruña
Anexo
Acto notificado: Resolución do 15 de novembro de 2012, do director xeral de Desenvolvemento Rural, de modificación do acordo da zona de concentración parcelaria de Arcos (Mazaricos).
Interesados:
Antonio Martínez Cives.
Carmen González Oreiro.
José Manuel Caamaño Martínez e outros.