O Concello Pleno, en sesión ordinaria do 25 de setembro de 2014, acordou, entre outros, o seguinte, facendo constar que con esta mesma data se remitiu a documentación establecida no artigo 92 da Lei 9/2002, á Consellería de Medio Ambiente, Territorio e Infraestruturas:
– Aprobar definitivamente o documento denominado estudo de detalle parcela nº 51 da avenida Concepción Arenal, Santa Cruz (Oleiros). Doc. refundido do 10.6.2014 nº 8269.
– Arquivar o documento nº 366, do 14.1.2014, ao quedar substituído polo que se aproba.
Recursos. O estudo de detalle é unha disposición xeral, polo que contra el poderá interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 10 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da publicación desta disposición.
Oleiros, 1 de outubro de 2014
Ángel García Seoane
Alcalde presidente