Por resolución desta Alcaldía, do 13 de maio de 2015, aprobouse inicialmente o Plan especial en desenvolvemento da unidade de execución número 21 do PXOM de Vilagarcía de Arousa, redactado polo arquitecto Manuel J. Freijeiro Martínez e promovido por José Mario Garza Fernández e/n Mallarizo, S.L.

Conforme o establecido no artigo 86.1 da Lei 9/2002, de ordenación urbanística e protección do medio rural de Galicia, modificada pola Lei 15/2004, do 29 de decembro, o dito PERI estará exposto ao público, na Xerencia de Urbanismo, durante o prazo dun mes, contado a partir do día seguinte ao da publicación deste anuncio no Diario Oficial de Galicia, e poden presentarse reclamacións ou alegacións nese prazo.

Vilagarcía de Arousa, 15 de maio de 2015

Tomás Javier Fole Díaz
Alcalde