DOG 4 do 5/01/2017 - ANUNCIO do 16 de decembro de 2016, do Servizo de Mobilidade da Coruña, polo que se notifican os requirimentos de documentación efectuados polo persoal da Inspección de Transporte Terrestre, devoltos polo servizo de Correos porque intentada a notificación non se puido efectuar (expediente XC-02833-S-2016).

VI. Anuncios

a) Administración autonómica

Consellería de Infraestruturas e Vivenda

ANUNCIO do 16 de decembro de 2016, do Servizo de Mobilidade da Coruña, polo que se notifican os requirimentos de documentación efectuados polo persoal da Inspección de Transporte Terrestre, devoltos polo servizo de Correos porque intentada a notificación non se puido efectuar (expediente XC-02833-S-2016).

O artigo 33.3 da Lei 16/1987, do 30 de xullo, de ordenación dos transportes terrestres establece que os titulares dos servizos e actividades de transporte, os titulares de empresas en cuxas actividades se realicen actividades de transporte terrestre ou relacionadas con este, así como quen ocupe a posición de cargador ou remitente, mero expedidor ou destinatario ou consignatario do transporte de mercadorías, os usuarios do transporte de viaxeiros e, en xeral, as persoas afectadas polo seus preceptos estarán obrigadas a facilitar ao persoal da Inspección do Transporte Terrestre, no exercicio das súas funcións, o exame dos documentos, libros de contabilidade, facturas, títulos de transporte e datos estatísticos que estean obrigados a levar, así como calquera outra información relativa ás condicións de prestación dos servizos realizados que resulte necesaria para verificar o cumprimento das obrigas contidas na lexislación de transportes. Así mesmo, dispón que os Servizos de Inspección do Transporte Terrestre poderán requirir a presentación nas oficinas públicas da documentación precisa para o mellor cumprimento das súas funcións.

Intentada a notificación do requirimento de documentación por correo certificado con xustificante de recepción no enderezo que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse os requirimentos de documentación efectuados polo persoal de Inspección do Transporte Terrestre ás empresas que a continuación se citan e respecto do período que se indica.

A documentación deberá presentarse no prazo de quince (15) días hábiles contados desde o día seguinte ao da publicación deste anuncio no BOE ante o Servizo de Mobilidade da Coruña.

O incumprimento deste requirimento considerarase obstrución ao labor inspector e infracción moi grave ou grave, segundo imposibilite ou dificulte gravemente o exercicio das funcións que ten atribuídas a Inspección do Transporte Terrestre, sancionándose de conformidade co disposto no artigo 140.12 ou artigo 141.4 da Lei 16/1987, de ordenación dos transportes terrestres.

A Coruña, 16 de decembro de 2016

César Concheiro Ceide
Xefe do Servizo de Mobilidade da Coruña

ANEXO

Empresa requirida	Documentación requirida
Mundicaribe Distribuciones, S.L. B70352455	Acreditar que Tony Hernandez León, DNI Y3536590D, era traballador da empresa na data da denuncia ou no mes anterior, mediante TC1 e TC2 da Seguridade Social, agás que teña relación familiar de primeiro grao co titular da autorización (pais, fillos, cónxuxe); en tal caso, deberá presentar o recibo de autónomos e xustificar o parentesco. Acreditar suficientemente que a mercadoría transportada era propiedade da empresa ou que tipo de relación tiña con ela (facturas, albarás ou recibos de mercadorías mercadas ou vendidas, con orixe ou destino nos establecementos desa empresa na data da denuncia).

Empresa requirida

Documentación requirida

Mundicaribe Distribuciones, S.L.

B70352455

Acreditar que Tony Hernandez León, DNI Y3536590D, era traballador da empresa na data da denuncia ou no mes anterior, mediante TC1 e TC2 da Seguridade Social, agás que teña relación familiar de primeiro grao co titular da autorización (pais, fillos, cónxuxe); en tal caso, deberá presentar o recibo de autónomos e xustificar o parentesco.

Acreditar suficientemente que a mercadoría transportada era propiedade da empresa ou que tipo de relación tiña con ela (facturas, albarás ou recibos de mercadorías mercadas ou vendidas, con orixe ou destino nos establecementos desa empresa na data da denuncia).