En virtude do acordado por providencia desta data, recaída nos autos de xuízo de arrendamentos urbanos número 431/1992, notifícaselles ós demandados descoñecidos, herdeiros de Augusto Otero Carreira, a sentencia dictada neles, que no seu encabezamento e parte dispositiva di:

Vistos por Manuel Pérez Echenique, maxistrado xuíz de primeira instancia número un desta cidade e o seu partido, os presentes autos de arrendamentos urbanos, seguidos polo trámite do xuízo de cognición, baixo o número 431 de 1992, entre partes, dunha, como demandante, Carlos González Moro Vela, maior de idade, separado, aparellador, veciño da Coruña, con domicilio na rúa Real nº 23-1º, quen actúa por si e para a comunidade de propietarios do local de negocio sito na praza das Praterías nº 5 desta cidade, representado en autos pola procuradora Sra. Sánchez Silva, e dirixido polo letrado Sr. González Moro Vela, e da outra, como demandados, os descoñecidos herdeiros de Augusto Otero Carreira, tendo comparecido como tales a súa viúva, María Consuelo Bugidos Iglesias, industrial, e o seu fillo, Augusto Lucio Otero Bugidos, solteiro, profesor de instituto, maior de idade, e veciños desta cidade, representados pola pro

curadora Esperanza Álvarez, e dirixidos polo letrado José Domínguez Noya, estando en rebeldía os demais herdeiros descoñecidos e incertos non comparecidos nos autos, sobre resolución de contrato de arrrendamento de local de negocio.

Decido: que, desestimando a demanda formulada pola procuradora Sánchez Silva, en nome e representación de Carlos González Moro Vela, quen actúa ademais en beneficio da comunidade de propietarios do local de negocio sito na praza das Praterías, nº 5 desta cidade, contra os descoñecidos herdeiros de Augusto Otero Carreira, tendo comparecido como tales a súa viúva, dona María Consuelo Bugidos Iglesias e o seu fillo, Augusto Otero Bugidos, representados pola procuradora Sra. Esperanza Álvarez, estando en rebeldía os restantes herdeiros descoñecidos e incertos, debo absolver e absolvo os demandados dos pedimentos contidos nela, condenando o actor a que pague as custas causadas.

Lévese certificación desta sentencia ó proceso principal, facéndolles saber ás partes que non é firme e que contra ela cabe recurso de apelación dentro do prazo de cinco días, perante a Audiencia Provincial da Coruña.

Así, por esta miña sentencia, xulgando definitivamente en primeira instancia, pronúncioo, mándoo e asínoo.

A anterior sentencia foi publicada no mesmo día da súa data.

E para que lles sirva de notificación ós demandados, herdeiros descoñecidos de Augusto Otero Carreira, declarados en rebeldía, expido este edicto en Santiago de Compostela o tres de novembro de mil novecentos noventa e tres.

O xuíz

Rubricado

O secretario

Rubricado