En virtude do acordado por este xulgado no xuízo civil executivo número 388/1993, seguido por instancia de Caixa de Aforros Municipal de Vigo-Caixavigo, contra José Manuel Dapena Cimbrelo e José Manuel Gómez Abraldes, sobre reclamación de certa cantidade. Por medio desta cédula notifícaselle ó demandado José Manuel Dapena Cimbrelo que o 13 de outubro de 1994 recaeu sentencia que é do teor literal seguinte no seu encabezamento e parte dispositiva:

Encabezamento: en Santiago de Compostela o trece de outubro de 1994. Ángel Pantín Reigada, maxistrado xuíz titular do Xulgado de Primeira Instancia

e Instrucción número cinco dos desta cidade, dictou a presente resolución no procedemento civil de cognición seguido neste xulgado co número 388/1993, no que actuaron como demandante Caixa de Aforros Municipal de Vigo-Caixavigo, con domicilio en Vigo, representada polo procurador dos tribunais Victorino Regueiro Muñoz e asistido polo letrado J.L. Franco Grande, e como demandados José Manuel Dapena Cimbrelo, maior de idade e en paradoiro descoñecido, e José Manuel Gómez Abraldes, maior de idade e veciño de Vilanova (Pontevedra), declarados ambos en rebeldía.

Decido que, estimando a demanda presentada, debo condenar e condeno ós demandados a que solidariamente paguen á demandante a suma de 552.404 ptas., por principal e xuros debidos na data 2 de outubro de 1992, mailos xuros moratorios desde a dita data das 250.000 ptas., debidas como principal ó tipo pactado do 21,25% anual, con imposición de custas ós demandados. Contra esta resolución poderá interporse recurso de apelación perante a Audiencia Provincial neste xulgado no prazo de 5 días desde a notificación, por escrito e con sinatura do letrado na forma previda no art. 733 LAC.

Para que sirva de notificación da mencionada sentencia, ó demandado rebelde José Manuel Dapena Cimbrelo, e para a súa publicación no Diario Oficial de Galicia, expido e asino esta cédula en Santiago de Compostela o sete de decembro de mil novecentos noventa e catro.

A secretaria

Rubricado