Visto o expediente incoado na Sección de Industria desta delegación provincial por petición de Barras Eléctricas Galaico-Asturianas, S.A. con domicilio en Lugo, Cidade de Viveiro, 4, no que solicita autorización e declaración de utilidade pública para o establecemento dunha instalación eléctrica de media tensión, e cumpridos os trámites regulamentarios ordenados no capítulo III do Decreto 2.617/1966, sobre autorización de instalacións eléctricas, e no capítulo III do regulamento aprobado polo Decreto 2.619/1966, sobre expropiación forzosa e sancións en materia de instalacións eléctricas, e conforme o disposto no Real decreto 2.634/1980, do 31 de xullo, sobre transferencia de competencia da Administración do Estado á Xunta de Galicia en materia de industria,

Esta delegación provincial resolveu autorizar a Begasa a instalación eléctrica que ten como características principais as seguintes: liña de media tensión, 20 kV, conductor LA-30 e LA-110 apoios de formigón e torres metálicas, orixe da deriv. ó C.T. Golpilleira na deriv. a Teixeiro e a deriv. ó C.T. Bagoi deriv. ó C.T. Cornide, e final nos centros Golpeira e Bagoi, cunhas lonxitudes de 969 metros a primeira e 1.356 metros a segunda. Centros de transformación aéreos de 50 kVA 20 kV, 380/220 V, sobre torres metálicas. Redes de baixa tensión, con conductores RZ-95-50-25 apoios de formigón, para mellora da subministración en Dumpín, concello de Castro de Rei.

Declara-la utilidade pública da instalación eléctrica que se autoriza para os efectos sinalados na Lei 10/1966, sobre expropiación forzosa e sancións en materia de instalacións eléctricas, e o seu regulamento de aplicación, do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo IV do citado Decreto 2.617/1966, do 20 de outubro.

Lugo, 30 de novembro de 1994.

Jesús Bendaña Suárez

Delegado provincial de Lugo