Por Decreto do 3 de xuño de 1931, gaceta do 4 de xuño de 1931, foi declarado ben de interese cultural con categoría de monumento histórico artístico o mosteiro de Santa María de Meira, concello de Meira, Lugo.
Sendo a devandita declaración anterior á entrada en vigor da Lei 16/1985, do 25 de xuño, do patrimonio histórico español, cómpre na actualidade concreta-la delimitación da súa contorna.
En consecuencia, e vistos os informes dos servicios técnicos e órganos consultivos favorables á incoación do expediente para a delimitación da contorna do mosteiro de Santa María de Meira, concello de Meira, Lugo, esta dirección xeral
RESOLVE:
Primeiro.-Ter por incoado expediente para a delimitación da contorna do mosteiro de Santa María de Meira, concello de Meira, Lugo.
Protexer este monumento e a zona afectada pola incoación, sendo a súa delimitación a seguinte:
«Comeza a liña no punto 1 situado entre os números 45 e 47 da Avda. do Xeneralísimo (coincidente coas parcelas 7 e 8 do catastro de urbana), ata o punto 2 situado no linde posterior desta parcela. Desde aquí a liña coincide cos lindes posteriores das parcelas que dan fronte á Praza Maior e da Avda. de José Antonio ata o punto 3 situado na parcela 37 da rúa Nova, cruza a rúa ata a parcela 38 desta mesma rúa onde se sitúa o 4.
Desde aquí a liña coincide cos lindes oeste das parcelas 38, 39, 40 e 41 ata o punto 5 situado na travesía de José Antonio, cruza esta rúa ata o 6 situado na parcela 42. Desde aquí a 1iña coincide cos lindes oeste das parcelas 42, 43 e 44 e co sur da parcela 44 ata o punto 7 situado na Avda. de José Antonio.
Desde este punto 7 a liña coincide co eixe do C.M. do Cercado ata o punto 8.
Desde este punto 8 a liña discorre pola ribeira leste do río Miño ata o punto 9 situado no eixe da C.L. Julio Cachafeiro. Desde este punto a liña coincide co eixe desta estrada ata o punto 10, onde se desvía pola división entre as parcelas 23 e 24 coa 25 ata o punto 11 situado no eixe do Camiño do Adro. Polo eixe deste camiño, desde o punto 11 a liña continúa ata o punto 12, onde se desvía coincidindo cos lindeiros NE das parcelas números 46, 48, 93 e 49, o lindeiro SO da parcela número 52, e os lindeiros NE das parcelas 55 e 56 ata o punto 13 situado no eixe do camiño de Balsa.
Desde este punto 13 a liña coincide co eixe deste camiño ata o punto 14, no que o camiño se atopa coa Avda. do Xeneralísimo. Desde aquí a liña coincide co eixe desta avenida en dirección a Vegadeo ata o punto 15 onde se desvía para continuar polos lindeiros NE das parcelas 3, 4, 5, 6, 7 e 8 ata o punto 16.
Desde aquí a liña coincide cos lindeiros SO parcelas números 8 e 9 ata o punto 17 situado entre os números 36 e 38 da Avda. do Xeneralísimo (coincidentes coas parcelas 9 e 10 do catastro de urbana). Desde o punto 17 a liña cruza a dita avenida para chegar ó punto 1 onde se pecha o ámbito da delimitación.»
Segundo.-Segui-la tramitación do expediente segundo as disposicións vixentes.
Terceiro.-Darlle traslado da resolución ó alcalde do concello de Meira, Lugo, e notificarlle que o outorgamento das novas licencias de obras e a execución das xa concedidas antes de incoarse o expediente, precisarán resolución favorable da Dirección Xeral do Patrimonio Histórico e Documental.
Cuarto.-Notificarlle a presente resolución ó bispo de Lugo, o Rexistro de Bens de Interese Cultural do Ministerio de Cultura, e o Rexistro de Bens de Interese Cultural de Galicia.
Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información pública de 10 días hábiles, contados a partir do día seguinte ó da súa publicación no Diario Oficial de Galicia.
Santiago de Compostela, 28 de febreiro de 1995.
Ángel Sicart Giménez
Director xeral do Patrimonio Histórico e
Documental