Visto o expediente de revisión salarial do convenio colectivo para o sector de maioristas de froitas e productos hortícolas, que tivo entrada nesta delegación provincial o día 24-2-95, subscrito en representación da parte económica pola Asociación Provincial de Mayoristas de Frutas y Productos Hortícolas, e da parte social polas centrais sindicais CC.OO e CIG, o día 8-2-95. De conformidade co disposto no artigo 13 do texto do convenio colectivo, artigo 90,2 e 3 da Lei 8/1980, do 10 de marzo, do Estatuto dos traballadores, Real decreto 1.040/1981, do 22 de maio, sobre rexistro e depósito de convenios colectivos de traballo e Real decreto 2.412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, a Delegación da Consellería de Xustiza, Interior e Relacións Laborais da provincia de Pontevedra,
ACORDA:
Primeiro.-Ordena-la súa inscrición no Libro de Rexistro de Convenios Colectivos de Traballo, obrante nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (S.M.A.C.)
Terceiro.-Dispoñe-la súa publicación no Diario Oficial de Galicia.
Vigo, 3 de marzo de 1995.
Antonio Coello Bufill
Delegado provincial de Pontevedra