Galego | Castellano

DOG - Xunta de Galicia -

Diario Oficial de Galicia
DOG Núm. 125 Venres, 30 de xuño de 1995 Páx. 5.200

III. OUTRAS DISPOSICIÓNS

CONSELLERÍA DE AGRICULTURA, GANDERÍA E MONTES

RESOLUCIÓN do 28 de xuño de 1995 pola que se establece unha veda temporal no río Cenza (provincia de Ourense).

Vista a proposta de veda realizada polo Servicio de Medio Ambiente Natural de Ourense por mor do baleirado do encoro de Cenza, visto o informe do comité provincial de pesca e de acordo co disposto no artigo 5 da Orde do 24 de febreiro de 1995, da Consellería de Agricultura, Gandería e Montes, pola que se fixan os períodos hábiles de pesca e normas relacionadas con ela nas augas continentais da Comunidad Autónoma de Galicia durante a tempada de 1995, esta Dirección Xeral de Montes e Medio Ambiente Natural resolve vedar para a pesca o tramo do no Cenza comprendido entre o seu nacemento e a presa do encoro de Cenza, así como tódolos seus afluentes neste tramo, no período comprendido entre o 1 e o 31 de xullo de 1995.

Santiago de Compostela, 28 de xuño de 1995.

Carlos del Álamo Jiménez

Director xeral de Montes e Medio Ambiente Natural