En virtude do acordado en providencia dictada polo Xulgado de Primeira Instancia e Instrucción nº seis de Santiago de Compostela con esta data, no procedemento xudicial sumario do artigo 131 da Lei hipotecaria seguido co número 20/1993, a instancia da Caixa de Aforros Provincial de Ourense, representada pola procuradora Sánchez Silva contra Jesús Ces Pazos e María Fernanda Cores Amigo, en reclamación dun préstamo con garantía hipotecaria, sácase a pública poxa, por primeira vez, o seguinte predio :
Vivenda sinalada coa letra A da planta terceira. Anexos: rocho e praza de garaxe. Número trece. Inscrita no rexistro da propiedade de Padrón, tomo 484,libro 148, folio 162, predio número 15.209, inscrición 7a.
O remate terá lugar na sala de audiencia deste xulgado o día dezasete de outubro, ás dez horas, previndo os licitadores das seguintes condicións:
Primeira: o tipo de poxa é de sete millóns novecentas oito mil seiscentas vinteunha pesetas, fixado na escritura do préstamo e non se admitirán ofertas que non cubran a dita cantidade.
Segunda: que, para tomar parte na poxa, deberán consigna-los licitadores previamente na conta de consignacións deste xulgado, aberta no banco Bilbao-Vizcaya, co nº 1500-18-002093, o 20% da dita cantidade e non serán admitidos sen o dito requisito.
Terceira: que os autos e certificacións ós que se refire a regra cuarta do artigo 131 da Lei hipotecaria, estarán de manifesto na secretaría deste xulgado e entenderase que todo licitador acepta como bastante a titulación aportada.
Cuarta: que as cargas e gravames anteriores e os preferentes, se os houber, ó crédito do actor, continuarán subsistentes e entenderase que o rematante os acepta e queda subrogado na responsabilidade destes sen destinarse á súa extinción o prezo do remate.
De non haber postores na primeira poxa, sinálase para a segunda o día dezaseis de novembro, ás dez
horas, para a que servirá de tipo o 75% da valoración, e celebrarase terceira poxa, se é o caso, o día dezaoito de decembro, ás dez horas, sen suxeición a tipo.
Dado en Santiago de Compostela o 8 de xuño de 1995.
O maxistrado-xuíz
Rubricado
A secretaria
Rubricado
9505633