Exponse ó público durante o prazo de oito días hábiles que determina o artigo 122 do Real decreto lexislativo 781/1986, do 18 de abril, o prego de cláusulas

administrativas particulares regulador do concurso para a execución das obras comprendidas no proxectos de captación de pluviais nas rúas Príncipe, Damas, San Francisco e as súas adxacentes.

Simultaneamente, e para o caso de que non se presenten reclamacións contra el, anúnciase a licitación, de acordo coas seguintes condicións:

Obxecto: execución das obras comprendidas nos proxectos de captación de pluviais nas rúas Príncipe, Damas, San Francisco e as súas adxacentes (Ref. 095/86/87/88).

A adxudicación do concurso dará lugar á celebración de tres contratos independentes por cada un dos proxectos mencionados e a licitación versará sobre o conxunto dos tres proxectos dando lugar a un só adxudicatario.

Orzamentos:

-Captación de pluviais na rúa Príncipe e adxacentes: 24.202.423 ptas. (IVE incluído).

-Captación de pluviais na rúa Damas e adxacentes: 30.372.616 ptas. (IVE incluído).

-Captación de pluviais na rúa San Francisco e adxacentes: 13.797.936 ptas. (IVE incluído).

Garantías: provisional, 1.367.457 pesetas; definitiva, 4% de cada orzamento.

Clasificación esixida: grupo C, subgrupo 5, categoría b. Grupo E, subgrupo 1, categoría e.

Modelo de proposición: as proposicións económicas especificarán o prezo ofertado de forma independente para cada proxecto, e axustaranse ó seguinte modelo:

Don/Dona... veciño/a de... con domicilio en... provisto/a de DNI número..., en representación de... con domicilio en.. (ou en nome propio), informado/a do anuncio de concurso para a contratación das obras comprendidas nos proxectos de captación de pluviais nas rúas Príncipe, Damas, San Francisco e as súas adxacentes e dos pregos de condicións que o regulan, que acepto integramente e me comprometo a acatar, formulo proposición optando á adxudicación polos seguintes prezos (IVE incluído) e no prazo de...:

-Captación de pluviais na rúa Príncipe e adxacentes: ... ptas.

-Captación de pluviais na rúa Damas e adxacentes: ... ptas.

-Captación de pluviais na rúa San Francisco e adxacentes: ... ptas.

En proba de aceptación de tales compromisos deixo asegurada esta proposición co depósito previo esixido, como xustifico co resgardo que achego.

Data e sinatura do propoñente.

Presentación de proposicións: presentaranse en tres sobres pechados no rexistro xeral de entrada deste concello, en man ou por correo, no prazo de vinteseis días naturais contados a partir do seguinte ó da publicación do anuncio de licitación no Diario Oficial de Galicia, en horas de nove a trece. No caso de resultar

sábado o día de finalización do prazo, quedará este automaticamente prorrogado ó día hábil seguinte.

No anverso dos sobres que conteñan a proposición consignarase o seguinte lema: Proposición que presenta... para optar ó concurso das obras comprendidas nos proxectos de captación de pluviais nas rúas Príncipe, Damas, San Francisco e as súas adxacentes (Ref. 095/86/87/88).

Prego de condicións: poderanse examinar e retirar copia na Unidade de Obras e Concesións, 2º andar do pazo municipal, praza de Mª Pita, número 1, 15001 A Coruña.

A Coruña, 27 de setembro de 1995.

O alcalde

Rubricado

9506471