Exponse ó público durante o prazo de oito días hábiles que determina o artigo 122 do Real decreto lexislativo 781/1986, do 18 de abril, o prego de cláusulas administrativas particulares regulador da poxa con procedemento aberto para a execución das obras comprendidas no proxecto de equipamentos deportivos en parques e xardíns.
Simultaneamente, e para o caso de que non se presenten reclamacións contra el, anúnciase a licitación, de acordo coas seguintes condicións:
Obxecto: execución das obras comprendidas no proxecto de equipamentos deportivos en parques e xardíns (Ref. 95/89).
Orzamento: 20.678.241 pesetas (IVE incluído).
Garantías: provisional, 413.565 pesetas; definitiva, 4% do orzamento.
Clasificación esixida: grupo C, subgrupo 4, categoría b.
Modelo de proposición: as proposicións económicas axustaranse ó seguinte modelo:
«Don/Dona..., veciño/a de..., con domicilio en... provisto/a de DNI nº..., en representación de..., con domicilio en... (ou en nome propio), informado/a do anuncio de poxa para a contratación das obras comprendidas no proxecto de equipamentos deportivos en parques e xardíns e dos pregos de condicións que o regulan, que acepto integramente e me comprometo a acatar, formulo proposición optando á adxudicación polo prezo de... pesetas (IVE incluído) e no prazo de...
En proba de aceptación de tales compromisos deixo asegurada esta proposición co depósito previo esixido, como xustifico co resgardo que achego.
Data e sinatura do propoñente».
Presentación de proposicións: presentaranse en dous sobres pechados no rexistro xeral de entrada deste concello, en man ou por correo, no prazo de vinteseis días naturais contados a partir do seguinte ó da publicación do anuncio de licitación no Diario Oficial de Galicia, en horas de nove a trece. No caso de resultar sábado o día de finalización do prazo este quedará automaticamente prorrogado ó día hábil seguinte.
No anverso dos sobres que conteñan a proposición consignarase o seguinte lema: «Proposición que presenta... para optar á poxa para a contratación das obras comprendidas no proxecto de equipamentos deportivos en parques e xardíns».
Prego de condicións: poderanse examinar e retirar copia na Unidade de Obras e Concesións, 2º andar do pazo municipal, praza de Mª Pita nº 1, 15001 A Coruña.
A Coruña, 27 de setembro de 1995.
O alcalde
Rubricado
9506297