Expediente número: 666/1995.

Obxecto: servicio de vixilancia da Universidade de Santiago de Compostela.

Localidade: Santiago de Compostela.

Provincia: A Coruña.

Importe de licitación:

-Polo servicio de vixilancia e protección de bens e establecementos da Universidade de Santiago de Compostela 72.713.000 ptas. anuais, IVE incluído.

-Polo servicio de vixilancia e custodia de obxectos valiosos nas sedes das exposicións do V Centenario da Universidade de Santiago de Compostela (Colexio de Fonseca, San Martiño Pinario, Igrexa da Universidade) 2.191.000 ptas. mensuais, IVE incluído.

Garantía provisional: polo primeiro servicio, 1.454.260 ptas.

Garantía provisional: polo segundo servicio, 394.380 ptas.

Pregos de cláusulas: tódolos interesados poderán consultar ou recolle-los pregos na copistería Copynino, Xeneral Pardiñas, 2 (Galerías Pronovias), Santiago de Compostela.

As propostas presentaranse nos rexistros xerais da universidade, (Rectorado, Praza do Obradoiro, s/n, Santiago de Compostela ou no rexistro do Campus Universitario de Lugo, situado no polígono de Fingoi, s/n, pavillón 4 do Complexo da Facultade de Veterinaria de Lugo).

O prazo de presentación das proposicións rematará ás 14 horas do vixésimo sexto día natural, contado a partir do seguinte ó da publicación desta resolución no Diario Oficial de Galicia.

A mesa de contratación reunirase o terceiro día seguinte ó de finalización do prazo de presentación de proposicións, se este día fose inhábil ou sábado, reunirase o seguinte día hábil, ás 13 horas da mañá, na sala de xuntas da Casa da Balconada, Rúa Nova, 6, Santiago de Compostela.

A solvencia técnica acreditarase por:

-Relación das titulacións académicas e profesionais dos empresarios e do persoal de dirección da empresa e, en particular, do persoal responsable da execución do contrato.

-Relación dos principais servicios ou traballos realizados nos últimos tres anos que inclúa importe, datas e beneficiarios públicos ou privados deles.

-Descrición do equipo técnico e unidades técnicas participantes no contrato, estean ou non integradas directamente na empresa do contratista, especialmente dos responsables do control de calidade.

-Declaración que indique a media anual de persoal e cadro de persoal directivo durante os últimos tres anos.

-Declaración do material, instalacións e equipo técnico de que dispoñe o empresario para a realización do contrato.

-Declaración das medidas adoptadas polo empresario para controla-la calidade, así como dos medios de estudio e de investigación de que dispoñan.

A solvencia económica e financeira acreditarase por:

-Informe de institucións financeiras ou, se é o caso, xustificante da existencia dun seguro de indemnización por riscos profesionais.

-Tratándose de sociedades, presentación de balances, no suposto de que a publicación deles sexa obrigatoria nos estados onde aquelas se encontren establecidas.

-Declaración realtiva á cifra de negocio global e das obras, subministracións, servicios ou traballos realizados pola empresa no curso dos tres últimos exercicios.

Santiago de Compostela, 14 de decembro de 1995.

P.D. (Resolución 14-2-1995)

Manuel Castro Cotón

Vicerrector de Asuntos Económicos

8119