Por Orde do 15 de marzo de 1996 (DOG do 9 de abril) convocáronse bolsas de especialización de titulados superiores no campo da investigación mariña.
Por resolución da Dirección Xeral de Formación Pesqueira e Investigación do 27 de xuño de 1996, e de conformidade coa base sexta 4, fíxose pública a relación provisional de beneficiarios das mencionadas bolsas. No apartado segundo da devandita resolución fixábase un prazo de dez días contados a partir do seguinte ó da súa publicación co fin de que os interesados, de se-lo caso, formulasen as reclamacións oportunas.
Rematado este prazo, e sen que houbese ningunha reclamación, esta consellería, de acordo coa proposta de resolución elaborada pola comisión de selección das bolsas de especialización de titulados superiores no campo da investigación mariña,
DISPÓN:
Artigo 1º
Acórdase concederlles unha bolsa de especialización de titulados superiores no campo da investigación mariña ás persoas que a continuación se relacionan. Os beneficiarios aparecen ordenados por orde decrecente segundo a puntuación acadada:
Apelidos Nome DNI Puntuación
Casas Liste Sandra 34893022 K 2,375 Prado Plana Susana 32801918 P 2,175 Lion Vázquez Mónica 36100156 T 2,159
Artigo 2º
Os bolseiros deberán formaliza-la súa adscrición nun prazo de dez días desde a publicación desta orde no Diario Oficial de Galicia; de non facelo, perderán a bolsa e procederase a cubri-las vacantes cos suplentes nomedados pola comisión de selección.
Artigo 3º
A inobservacia por parte dos beneficiarios de calquera das bolsas establecidas na Orde da convocatoria do 15 de marzo de 1996 suporá a perda do dereito a percibi-la axuda correspondente.
Artigo 4º
A presente disposición pon fin á vía administrativa segundo o disposto no artigo 109 c) da Lei 30/1992, de réxime xurídico das administracións públicas e do procedemento administrativo común.
Disposición derradeira
A presente orde entrará en vigor ó día seguinte da súa publicación no Diario Oficial de Galicia.
Santiago de Compostela, 23 de xullo de 1996.
Juan Caamaño Cebreiro
Conselleiro de Pesca, Marisqueo e Acuicultura
9605846