A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG do 6 de xuño), da Consellería de Sanidade e Servicios Sociais, convoca o seguinte concurso público:

Contratación de subministracións: productos de panadería; embutidos; conxelados; lácteos e derivados; diversos para almorzos; legumes e sopas; conservas; galletas; biscoitos e ovos.

Os licitadores poderán concorrer a un, a varios ou á totalidade dos lotes que se enumeran no prego de cláusulas administrativas particulares.

Orzamento: 27.284.329 pesetas (IVE incluído).

Forma da adxudicación: procedemento aberto mediante concurso público, polo trámite de urxencia.

Prazo de execución: desde a data de notificación da adxudicación do concurso ata o 31-12-1997, en entregas sucesivas, de acordo con pedidos ou programacións.

Admisión de variantes: admítense, sempre e cando superen o estipulado nas prescricións técnicas.

Solvencia económica e financeira: de acordo co establecido no apartado a) do artigo 16.1 da Lei 13/1995, de contratos das administracións públicas.

Solvencia técnica: de acordo co establecido nos apartados do artigo 18 da Lei 13/1995 citada, seguintes:

Productos de panadería: apartados b), d) e e). (Lote nº 1).

Leite: apartados b) e d). (Lote nº 5).

Resto dos productos: apartado d).

Criterios de adxudicación: 1) Calidade, ata 5 puntos. 2) Importe económico, ata 5 puntos.

Documentación de interese para os licitadores: os pregos de cláusulas administrativas particulares e técnicas, e demais documentación complementaria poden ser solicitados no Servicio de Compras do Complexo Hospitalario Cristal-Piñor, rúa Ramón Puga, 52, (edificio de administración - planta baixa), de Ourense, en días hábiles, das 9 ás 13 horas, agás sábados.

Fianzas:

Provisional: 2% do importe da licitación correspondente ó/s lote/s a que concorran.

Definitiva: 4% do/s importe/s de licitación do/s que sexa/n adxudicatario/s.

Presentación de proposicións: deberán ser presentadas en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado. No caso de que o devandito día coincida en sábado ou festivo, o prazo de presentación finalizará o seguinte día hábil.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle, ó órgano de contratación, a remisión da oferta mediante fax (988) 38 58 49 ou telegrama no mesmo día, de conformidade coa lexislación vixente.

Apertura de proposicións: terá lugar en acto público na sala de xuntas anexa a Dirección de Xestión do complexo hospitalario, ás 9 horas do décimo primeiro día natural contado desde o seguinte a aquel en que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o día hábil seguinte.

Documentación que achegarán os licitadores: os documentos sinalados no prego de cláusulas administrativas particulares.

Anuncios: o pagamento dos anuncios será por conta do/s adxudicatario/s.

Ourense, 18 de febreiro de 1997.

Pedro A. Soler Bordoy

Director xerente do Complexo Hospitalario

Cristal-Piñor de Ourense

657