Aprobado inicialmente por resolución da Alcaldía, con data do 27 deste mes, o proxecto de delimitación dunha unidade de execución na rúa Eidos, en solo urbano de Redondela-Vila, promovida por Jaime Serín Pérez, en representación de herdeiros de Isolina Figueroa Montero, comprende unha superficie de 2.394 m cos seguintes lindeiros: norte, herdeiros de Fernando Míguez; sur, Rosa Docampo e Dolores Docampo; leste, camiño; oeste, rúa Eidos, determinándose como sistema de actuación urbanística o de compensación.

En cumprimento da devandita resolución, e de conformidade co prevido no artigo 146.2º do texto refundido da Lei sobre o réxime do solo e ordenación urbana, aprobado por Real decreto lexislativo 1/1992, do 26 de xuño, e no artigo 38.1.b) do Regulamento de xestión urbanística, sométese a información pública o expediente, co proxecto de delimitación, polo prazo de 15 días, computados a partir do seguinte ó da publicación deste anuncio no Diario Oficial de Galicia, para efectos de exame e alegacións que se consideren pertinentes.

Redondela, 27 de xaneiro de 1997.

Amado Ricón Virulegio

Alcalde

1467