Por medio desta cédula, notifícaselle á persoa xurídica cos datos persoais do seu representante e último enderezo social coñecido que se sinala no anexo que, en relación coa súa petición de concesión de aproveitamento hidroeléctrico dun tramo da canle pública de potencia nominal non superior a 5.000 kVA no río Oitavén ou Xiesta do expediente, que se tramita neste organismo autónomo Augas de Galicia coa clave mencionada, presentada no rexistro desta Administración polo seu representante, o seguinte:

Primeiro.-Que examinada a documentación achegada coa súa solicitude, e dado que esta resulta insuficiente, requíreselle para que no prazo de quince (15) días hábiles, contados desde o seguinte ó da data de publicación desta cédula no Diario Oficial de Galicia, achegue os documentos que se relacionan no anexo e que son necesarios para a tramitación da petición no Departamento de Xestión do Dominio Público Hidráulico do organismo Augas de Galicia (edificios administrativo San Caetano, s/n, 15071 Santiago de Compostela).

Segundo.-Así mesmo, e de conformidade co artigo 71 da Lei 30/1992, do 26 de novembro, de réxime xurídico das administracións públicas e do procedemento administrativo común, indícaselle que se non achega os documentos requiridos no dito prazo, será tido por desasistido da súa petición, arquivándose esta sen máis trámite, cos efectos previstos no artigo 42.1º da devandita lei.

Para que conste e lle sirva de notificación ó dito interesado, de conformidade co disposto no artigo 59.4º da Lei 30/1992, do 26 de novembro, expido, asino e selo esta cédula en Santiago de Compostela o 5 de marzo de 1997.

Agustín Hdez. Fdez. de Rojas

Xefe do Departamento de Xestión do Dominio Público Hidráulico Augas de Galicia

ANEXO

-Nº de expediente: DH.A36.1345 (1.298.25).

-Interesado: Saltos de Castilla y León, S.A. (SACAL).

-Representante: J. Mª González Vélez con DNI 1.356.775.

-Enderezo social: r/ Dos de Mayo nº 8-7ºA, 47004 Valladolid.

-Documentación requirida:

* Escritura de constitución da empresa.

* Proxecto de execución de obras do aproveitamento: un (1) exemplar en cumprimento do artigo 2.1º do Decreto 327/1991, do 4 de outubro, de avaliación de efectos ambientais para Galicia (DOG nº 199, do 15 de outubro).

* Proxecto de instalacións electromecánicas: cinco (5) copias. Unha delas en aplicación do artigo citado no apartado anterior.

* Relación de bens afectados polas obras cos seus propietarios.

* Estudio de efectos ambientais: sete (7) exemplares e engadindo un máis por cada concello afectado polos proxectos. Tales estudios esíxense de acordo co Decreto 327/1991 e a súa redacción axustarase ó contido establecido no seu artigo 2.2º.

1662