O Consello da Xerencia Municipal de Urbanismo, en sesión celebrada o día 21 de novembro de 1997, acordou aprobar inicialmente o proxecto de estatutos e bases de actuación da UE industrial II-04 Santo André de Comesaña, consonte a documentación pre

sentada por Alberto Alonso Macías e Bartolomé Campíns Traspuesto, en representación da Comunidade de Bens Santo André.

Sométese a información pública, polo prazo de vinte días, mediante inserción de anuncio no DOG.

Signifícase que o prazo de exposición ó público se entenderá aberto desde a primeira publicación ata o remate dos vinte días contados desde a publicación no DOG. A documentación atópase na Oficina de Información da Xerencia Municipal de Urbanismo á disposición do público, planta baixa do concello.

O presente anuncio serviralle de notificación nos termos do artigo 59 da Lei de réxime xurídico das administracións públicas e do procedemento administrativo común a tódolos propietarios e interesados directamente afectados que, por resultaren descoñecidos ou por se ignora-lo seu enderezo, non poidan ser notificados persoalmente.

O proxecto de estatutos e bases de actuación aprobado é o seguinte:

Estatutos da Xunta de Compensación da Unidade de Execución denominada UE Ind. II-04, de Santo André de Comesaña, delimitada no vixente Plan Xeral de Ordenación Urbana do T.M. de Vigo.

Título I

Disposicións de carácter xeral: nome, domicilio,

obxecto e fins

Artigo 1º.-Nome.

Baixo a denominación de Xunta de Compensación da UE Ind. II-04 de Santo André de Comesaña, do Plan Xeral de Ordenación Urbana do termo municipal de Vigo, constitúese unha entidade urbanística colaboradora, de natureza administrativa, con personalidade xurídica propia e plena capacidade de obrar para o cumprimento do seu obxecto, que se rexerá polos presentes estatutos e bases de actuación complementarias deles, así como polo texto vixente da Lei sobre réxime do solo e ordenación urbana de ámbito estatal, pola Lei do solo da Comunidade Autónoma de Galicia, Regulamento de xestión urbanística, e demais disposicións legais e regulamentarias que lle sexan aplicables.

Artigo 2º.-Domicilio.

A xunta terá o seu domicilio no termo municipal de Vigo, en Santo André de Comesaña, Camiño do Caramuxo, núm. 37, domicilio que poderá ser modificado por acordo da asemblea xeral, o cal lle deberá ser notificado ó Concello de Vigo para a súa anotación no Rexistro de Entidades Urbanísticas Colaboradoras.

Artigo 3º.-Obxecto.

O seu obxecto é o cumprimento dos deberes de desenvolvemento e urbanización da unidade de execución, seguíndose o sistema de compensación, mediante o reparto equitativo entre os propietarios de terreos incluídos na UE dos beneficios e cargas

derivados da execución do planeamento que se desenvolve.

Artigo 4º.-Dos fins da xunta de compensación.

Para os efectos de consegui-lo cumprimento do obxecto, son funcións e fins da xunta de compensación:

a) A súa actuación como entidade urbanística colaboradora de acordo coa normativa urbanística aplicable; para tal fin, debe realiza-los trámites necesarios para a inscrición da xunta no Rexistro de Entidades Urbanísticas Colaboradoras.

b) A redacción e tramitación -para a súa aprobación inicial e definitiva- ante a Administración municipal e da C.A., conforme as competencias que a cada unha lle correspondan, de toda clase de instrumentos de desenvolvemento do planeamento, así como asumir como propios os que, se é o caso, estean xa redactados e aprobados, incluíndo os proxectos de compensación e de urbanización, proxectos de edificación, así como a contratación e execución das obras necesarias para levalos a efecto.

c) A solicitude e tramitación, ante o Concello de Vigo, dos expedientes de expropiación forzosa, en beneficio da propia xunta de compensación, respecto dos propietarios de terreos comprendidos no ámbito da UE que non se incorporen na forma e tempo procedentes á xunta de compensación, así como daqueles propietarios que incumpran as obrigas establecidas nestes estatutos e nas bases de actuación, seguíndose para tal fin o procedemento de urxencia regulado na lexislación sobre expropiación forzosa.

d) A reclamación, igualmente, en vía de constrinximento administrativa ou ante a xurisdicción ordinaria, das cantidades debidas á xunta polos asociados.

e) A adquisición, posesión, venda e gravame e calquera outro acto de dominio e administración dos terreos achegados á xunta polos propietarios incorporados a ela, sen que iso supoña transmisión da propiedade, senón a facultade de administración e disposición dos terreos como fiduciaria para os fins da X.C.; así como a adquisición, posesión, venda e gravame e calquera outro acto de dominio e administración respecto dos terreos adquiridos por calquera título, incluso por expropiación forzosa, actuando neste caso como beneficiaria da expropiación.

f) A cesión ó Concello de Vigo dos terreos dotacionais que para tales efectos así se consideren.

g) A adxudicación das parcelas resultantes da urbanización ós propietarios incorporados á xunta, e, se é o caso, da proporción que puidese corresponderlle ó Concello de Vigo, todo iso na forma en que se determine no proxecto de compensación.

h) A inscrición no Rexistro da Propiedade, do proxecto de compensación.

i) A formalización de operacións de crédito, incluso con garantía hipotecaria dos terreos achegados á xunta, que sexan precisas para o cumprimento dos fins dela.

j) A celebración de toda clase de contratos que sexan necesarios para logra-lo obxecto proposto, incluídos contratos con entidades bancarias, así como con empresas constructoras de execución de obra para proceder á urbanización, e, se é o caso, á edificación dos terreos, e cualquera outro negocio xurídico e contrato que resultasen necesarios ou convenientes para os fins da X.C.

k) Solicita-la concesión dos beneficios fiscais urbanísticos que lle poidan resultar aplicables conforme a lexislación vixente.

1) Asumi-la xestión e defensa dos intereses comúns dos membros integrantes da xunta de compensación, podendo comparecer como tal ante calquera organismo da Administración do Estado, autonómica, provincial e local, así como ante os xulgados e tribunais de calquera xurisdicción e grao, ante o Rexistro da Propiedade e Notarios, e ante calquera outra persoa física e xurídica pública ou privada. E, en xeral, o exercicio de cantas funcións e dereitos lle correspondan, como tal entidade urbanística colaboradora, en aplicación da normativa urbanística vixente.

Título II

Control administrativo

Artigo 5º.-Determinación do órgano administrativo baixo a tutela do cal actúa.

1. A xunta de compensación actuará baixo o control do Concello de Vigo, o cal controlará a súa xestión.

2. No exercicio desta función, correspóndelle ó concello:

a) Someter a información pública os presentes estatutos e as bases de actuación, con notificación persoal ós propietarios de terreos incluídos no ámbito da UE que non promovesen a constitución da xunta, para os efectos de formulación de alegacións, se é o caso, por estes propietarios interesados, e posibilita-la súa incorporación á xunta.

b) Aproba-los estatutos, bases de actuación e as modificacións que, se é o caso, acordo a asemblea xeral da xunta.

c) Designar un representante municipal nos órganos de goberno da xunta.

d) Aproba-la constitución da xunta, unha vez formalizada esta en escritura pública, e remiti-lo acordo e escritura de constitución ó Rexistro de Entidades Urbanísticas Colaboradoras, para a súa inscrición.

e) Acordar e executa-la expropiación forzosa, da que a xunta será beneficiaria, dos terreos dos propietarios que non se incorporen á xunta, así como

daqueles propietarios que incumpran as súas obrigas.

f) Iniciar e seguir en tódolos seus trámites a vía de constrinximento para o cobramento das cantidades debidas á xunta por calquera dos membros da xunta de compensación.

g) Analizar e resolve-los recursos administrativos que puidesen presenta-los membros da xunta de compensación contra os acordos adoptados polos seus órganos de goberno cos que, se é o caso, poidan non estar conformes.

h) A aprobación dos proxectos de compensación e de urbanización, así como as modificacións que ó respecto se acorden, expedindo certificación ou outorgando escritura pública para a inscrición no Rexistro da Propiedade dos predios resultantes do proxecto de compensación.

i) Expedir acta administrativa de recepción da urbanización e da cesión dos terreos dotacionais.

j) Aprobar, se é o caso, a conversión da xunta de compensación en entidade urbanística de conservación; e cantas outras atribucións lle correspondan conforme a lexislación urbanística e de administración local.

Título III

Unidade de execución que constitúe o seu obxecto

Artigo 6º

O ámbito territorial de actuación da presente xunta de compensación é a unidade de execución Ind. II-04, sita no T.M. de Vigo, parroquia de Santo André de Comesaña, tal e como figura delimitada no vixente Plan Xeral de Ordenación Urbana do municipio de Vigo.

Título IV

Duración

Artigo 7º

A súa duración será indefinida, iniciando as súas funcións desde a súa inscrición no Rexistro de Entidades Urbanísticas Colaboradoras, e durante todo o tempo que precise para a consecución do seu obxecto e fins, sen prexuízo de que poida acordarse a súa disolución e liquidación na forma e termos establecidos nestes estatutos.

Título V

Da constitución da xunta de compensación e dos

seus membros

Artigo 8º.-Da incorporación á xunta.

1. A xunta componse das persoas físicas ou xurídicas que sexan propietarias de terreos comprendidos no ámbito territorial da unidade de execución que voluntariamente se incorporen a ela, nos prazos e condicións legais, e que non fosen excluídas dela, de acordo coas leis e os presentes estatutos.

2. Os propietarios non promotores da xunta poderán incorporarse a ela durante o período de información pública dos presentes estatutos, e no prazo do mes seguinte á notificación, que lles efectuará o Concello de Vigo, térense aprobado definitivamente estes estatutos. A incorporación solicitarase a través do Concello de Vigo, facendo constar expresamente a adhesión a estes estatutos e bases de actuación, e a superficie e lindeiros do predio ou predios propiedade do solicitante, debendo acompaña-los títulos acreditativos da propiedade sobre tal ou tales predios, así como declara-las situacións xurídicas, cargas e gravames que afecten os seus respectivos predios, con expresión, se é o caso, da súa natureza, indicando os nomes e domicilio daquelas persoas que sexan titulares de dereitos reais ou de arrendamento que afecten os seus predios.

3. Para que a incorporación produza efectos será preciso que os propietarios adheridos ingresen na caixa da xunta, no prazo do mes seguinte ó requirimento formulado pola xunta, o importe das cantidades ata ese momento achegadas polos promotores da xunta, atendida a proporcionalidade de cotas duns e outros.

4. Transcorridos os prazos a que se refiren os apartados anteriores, os terreos pertencentes a propietarios que non se incorporasen efectivamente á xunta serán obxecto de expropiación en beneficio da xunta.

Artigo 9º.-Incorporación de empresas urbanizadoras.

1. Poderán incorporarse á xunta de compensación as empresas urbanizadoras que acheguen, total ou parcialmente, os fondos ou medios necesarios para a urbanización.

2. Esta incorporación poderá instrumentarse na constitución da xunta; reflectíndose no acordo constitutivo, ou ben con posterioridade, para o cal será necesaria a convocatoria dunha asemblea xeral, a asunción nela pola empresa dos compromisos o respecto, e a aprobación do acordo co voto favorable de membros da xunta, que representen, polo menos, o 50 por 100 das cotas de participación da xunta. Será necesario, ademais, que as empresas urbanizadoras garantan a súa xestión na forma e contía que determine a asemblea. Para a valoración das achegas da empresa urbanizadora e as adxudicacións ó seu favor haberá que aterse ó sinalado nas bases de actuación.

3. A empresa urbanizadora estará representada na xunta por unha soa persoa física.

Artigo 10º.-Da constitución da xunta de compensación.

1. Os promotores da xunta convocarán a tódalas persoas, físicas ou xurídicas, privadas ou públicas e, se é o caso, as empresas urbanizadoras incorporadas a ela que aceptasen o sistema de actuación para a constitución definitiva da entidade, realizándose a convocatoria dentro do prazo que fixe o con

cello ou que sexa aplicable conforme a normativa vixente, mediante carta certificada, polo menos con 10 días hábiles antes da data prevista, indicándose na carta o obxecto da convocatoria, e a data e o lugar na que terá que outorgarse a escritura pública de constitución da xunta de compensación.

2. A constitución farase mediante escritura pública, na que deberá consta-la relación de propietarios e, se é o caso, empresas urbanizadoras, relación e descrición dos predios dos propietarios, acordo de constitución, e persoas que se designen para ocuparen cargos nos órganos de goberno; así como calquera outra declaración que se considere de interese ó obxecto da X.C. Este acordo de constitución e outorgamento da escritura pública terá que ser adoptado por propietarios que representen máis do 50 por 100 das cotas de participación ou, en todo caso, como mínimo, co voto favorable de interesados que reúnan a porcentaxe de superficie que dá lugar á aplicación do sistema de compensación conforme a normativa que sexa aplicable.

3. Os que non outorguen a escritura de constitución poderán consenti-la súa incorporación en escritura de adhesión que terá que outorgarse dentro do prazo do mes seguinte, téndoos por non incorporados se transcorrese o dito prazo sen facerse efectiva tal adhesión.

4. Copia autorizada da escritura de constitución e, se é o caso, das de adhesión; daráselle traslado ó concello, o cal adoptará, se procede, o acordo aprobatorio no prazo de trinta días, elevando o dito acordo xunto coa copia autorizada da escritura á Administración competente, para a súa inscrición no Rexistro de Entidades Urbanísticas Colaboradoras de Pontevedra. Así mesmo, o concello designará, como organo de control e fiscalización, un representante como membro dos órganos de goberno da X.C.

Artigo 11º.-Da existencia de titularidades especiais.

1. Cando un predio pertenza a persoas menores de idade, ou incapacitados, formarán parte da xunta os seus representantes legais, e a disposición de tales predios pola xunta de compensación non estará suxeita ás limitacións de carácter civil.

2. No caso de existir cotitularidade sobre un predio ou dereito, os cotitulares haberán de designar unha persoa para o exercicio das súas facultades como asociado, respondendo solidariamente frente á entidade de cantas obrigas dimanen da súa condición. Se non designaren representante no prazo que para o efecto sinale a xunta, será nomeado por esta con aprobación municipal.

3. No caso de que un predio pertenza en propiedade a unha persoa, correspondéndolle a outra persoa algún dereito real limitativo de dominio sobre ela, ou dun dereito de arrendamento, a condición de socio corresponderalle ó propietario, sen prexuízo de que o titular do dereito real ou persoal perciba o rendemento económico correspondente.

Artigo 12º.-Da transmisión de bens e dereitos.

1. A incorporación dos propietarios á xunta de compensación non supón a transmisión a ela da propiedade dos inmobles, xa que a xunta soamente actúa como fiduciaria con poder de disposición.

2. Os membros da xunta poderán allea-los seus terreos e a correlativa cota de participación na xunta, coas seguintes condicións e efectos:

a) O transmitente notificaralle de maneira que faga fe á xunta as circunstancias do adquirente e as condicións da transmisión, para os efectos da necesaria constancia, cunha antelación mínima de oito días ó sinalado para o outorgamento da escritura pública, con indicación do nome e domicilio do adquirente.

b) O adquirente, por calquera clase de título, queda subrogado nos dereitos e obrigas vinculados á participación alleada, facéndose expresa mención diso no documento de transmisión.

c) A condición de socio é inseparable da propiedade dos terreos correspondentes.

Artigo 13º.-Dereitos e obrigas dos membros da xunta.

1. Son dereitos dos membros da xunta de compensación:

a) Exerce-las facultades dominicais sobre os predios da súa propiedade achegadas, coas limitacións derivadas da afección daquelas ó cumprimento das obrigas inherentes ó sistema de compensación e dos actos de disposición ou administración, efectuados pola xunta en exercicio das súas facultades fiduciarias.

b) Participar no reparto de beneficios e cargas derivados do planeamento que se executa, así como no patrimonio resultante da liquidación da X.C. en proporción ás súas respectivas cotas. Percibirán individualmente ou en copropiedade as parcelas que lle sexan adxudicadas no desenvolvemento do sistema de actuación e en proporción ás súas cotas.

c) Asistir, en por si ou por medio de representante, ás sesións da asemblea xeral, emitindo o seu voto de acordo coa proporcionalidade derivada da súa cota de participación, así como presentar propostas e suxestións.

d) Elixi-los membros dos órganos de goberno, e poder ser elixidos para o desempeño de cargos, así como coñece-las actuacións dos órganos de goberno da xunta mediante os informes e contas rendidos por estas ante a asemblea xeral.

e) Interpoñe-los recursos que procedan contra os acordos adoptados polos órganos de goberno co contido dos cales non estivesen conformes.

f) Cantos outros dereitos se deriven en favor dos membros da xunta dos presentes estatutos e da normativa legal aplicable.

2. Son obrigas dos membros da xunta de compensación:

a) Poñer á disposición dos órganos de goberno da xunta os documentos acreditativos da súa propiedade e, se é o caso, informar de tódalas circunstancias dos titulares de posibles dereitos reais ou persoais que graven os seus terreos, con expresión da natureza e contía de tales dereitos, cargas e gravames.

b) Outorga-los documentos necesarios para formaliza-las cesións obrigatorias e gratuítas derivadas da lexislación e o planeamento urbanístico.

c) Sinalar un domicilio para efectos de notificacións, informando, así mesmo, en forma inmediata a xunta dos cambios de domicilio.

d) Cumpri-los acordos adoptados polos órganos de goberno da xunta, sen prexuízo da posibilidade de interpoñe-los recursos que, se é o caso, procedan.

e) Satisfacer puntualmente as cantidades establecidas polos órganos de goberno que sexan necesarios para atende-los gastos ordinarios para o funcionamento da xunta de compensación; para este fin será fixado polo Consello Rector a contía que lle corresponda pagar a cada socio, en proporción á cota que lle fose atribuída.

f) Aboar igualmente os gastos de urbanización e as cotas complementarias e extraordinarias que, se é o caso, se fixen, en proporción ó valor da súa participación e nos prazos que determinen os órganos de goberno da xunta.

h) Notificarlle á xunta as transmisións ou actos, de gravame dos terreos da súa propiedade.

i) Regulariza-la titularidade e situación rexistral dos terreos achegados, dentro dos prazos que sinale o Consello Rector.

j) Permiti-la ocupación dos seus predios para a execución das obras de urbanización, depósito de materiais e instalacións complementarias.

Permitirlle igualmente á xunta, unha vez aprobado o proxecto de compensación, a ocupación e demolición das construccións, instalacións e plantacións que se encontren en terreo que teña que ser obxecto de cesión con destino a uso público ou servicios, sen prexuízo da continuación do expediente de prezo xusto que, se é o caso, se siga.

E, en xeral, calquera outra obriga que se derive para os membros da xunta do contido dos presentes estatutos, das bases de actuación, ou da normativa legal aplicable.

Artigo 14º.-Das cotas de participación.

1. A participación dos propietarios nos beneficios e cargas derivados do planeamento que se executa será proporcional ó aproveitamento asignado ós predios achegados, xa que o valor unitario deles é igual para todos eles. Así como, no caso do Concello, ó aproveitamento que por lei, se é o caso, lle corresponda.

2. A cada un dos membros da xunta atribuiráselle unha cota de participación proporcional ó aproveitamento asignado. A dita cota definirá o voto porcentual dos membros da xunta nos acordos da asemblea xeral como máximo órgano de goberno da X. de C.

3. O valor das edificacións, obras, plantacións e demais instalacións que existan nos predios achegados non se computará nin influirá na fixación e atribución das cotas de participación ós membros da xunta.

4. No suposto de incorporación á xunta de empresas urbanizadoras, procederase ó oportuno reaxuste das participacións porcentuais dos membros da xunta, asignándose a cota correspondente á súa achega á empresa urbanizadora.

Título VI

Dos órganos de goberno e administración da xunta

de compensación

Artigo 15º.-Enumeración dos órganos de goberno.

1. Os órganos de goberno da xunta de compensación serán:

A. A asemblea xeral.

B. O Consello Rector.

2. Así mesmo designaranse un presidente, un secretario, un tesoureiro e un vocal, que o serán tanto do Consello Rector coma da asemblea xeral.

3. O representante do Concello de Vigo na xunta de compensación formará tamén parte do Consello Rector como vocal.

Artigo 16º.-Regulación do funcionamento da asemblea xeral.

1. A asemblea xeral é o órgano supremo de decisión da xunta de compensación, e dela forman parte tódolos membros da xunta de compensación que estean ó corrente das súas obrigas.

2. A primeira reunión terá carácter constituínte, e será convocada polos promotores dentro do prazo sinalado polo concello para o outorgamento da escritura de constitución.

3. Reunirase con carácter ordinario polo menos unha vez ó ano, coa finalidade de proceder á deliberación e, se é o caso, aprobación, das contas anuais, balance e memoria, así como das xestións realizadas nese exercicio que se sometan á súa aprobación; e para a aprobación do orzamento do exercicio seguinte. Se non se aprobase prorrogarase o orzamento do exercicio anterior.

4. A asemblea xeral poderá reunirse tamén con carácter extraordinario, cando o acorde o seu presidente ou o Consello Rector, por propia iniciativa ou cando así o solicite un grupo de membros que represente, polo menos, o 20 por 100 das participacións, debendo indicarse na proposta os asuntos que se van tratar na reunión. En tal caso, a asemblea

ha de ser convocada nun prazo de quince días seguintes ó da solicitude, e celebrarse antes dun novo prazo non superior a quince días contados desde a convocatoria. Se o presidente ou o Consello Rector no convocan no prazo indicado a asemblea validamente proposta por membros que alcancen a indicada porcentaxe de participación, poderán os interesados solicitar do concello que sexa esta entidade a que convoque a asemblea.

5. As reunións da asemblea xeral, ordinaria ou extraordinaria, serán convocadas polo presidente mediante carta certificada remitida ós membros da xunta, ó domicilio que por notificación dos propietarios lle conste ó secretario da asemblea e ó Consello Rector, carta que se enviará e depositará en correos polo menos con dez días de antelación á data sinalada. A convocatoria sinalará o lugar, día e hora da reunión, así como a indicación dos asuntos incluídos na orde do día. En calquera caso, estando reunidos tódolos membros da xunta, poderá celebrarse validamente asemblea xeral se así se acepta por unanimidade, sen necesidade de convocatoria previa.

6. A asemblea xeral quedará validamente constituída cando concorran a ela, por si ou representados, membros da xunta con cotas de participación que representen, polo menos, o 50 por 100 do total.

7. Os acordos adoptaranse en todo caso polo voto da maioria de cotas de participación presentes na reunión da asemblea xeral; será preciso, non obstante, para a modificación de estatutos, sinalamento de cotas e rectificación destas, e incorporación de empresas urbanizadoras, alleamento de predios propios dos membros, emisión de empréstitos, e disolución da xunta, que se emita o voto favorable por membro ou membros da xunta, que representen, polo menos, o 50 por 100 do total das cotas de participación da xunta.

8. Os acordos serán inmediatamente executivos, constando en acta da sesión que se levantará ó termo dela, e será aprobada a continuación, ou na reunión inmediata seguinte da asemblea. Por requirimento dos membros da xunta ou do concello, o secretario expedirá unha certificación do contido do libro de actas, no que se transcribirán todas, pola súa orde, e unha vez aprobadas.

Artigo 17º.-Funcións da asemblea xeral.

Son funcións da asemblea xeral a adopción de acordos sobre as seguintes cuestións:

1. A designación e cesamento dos membros do Consello Rector, así como a aprobación do orzamento de cada exercicio e das contas del.

2. A modificación dos estatutos, sen prexuízo da necesaria aprobación definitiva por parte do Concello.

3. A imposición de derramas extraordinarias para atende-los gastos non previstos no orzamento anual ou para atender insuficiencias temporais de tesourería.

4. Autoriza-la realización de toda clase de actos de disposición, tales como adquirir, allear e gravar toda clase de bens e dereitos, modificar entidades hipotecarias; constituír, modificar ou cancelar dereitos reais impostos sobre os bens ou dereitos pertencentes á xunta de compensación.

5. A aprobación de plans ou proxectos urbanísticos ou constructivos, para sometelos á correspondente tramitación administrativa.

6. A aprobación do proxecto de compensación que no seu día se elabore en desenvolvemento das bases de actuación.

7. A concesión de volumes a conta para edificar, antes de aprobarse o proxecto de compensación, impoñendo as condicións e esixindo a prestación das garantías que se estimen procedentes.

8. A formalización de créditos para realiza-las obras de urbanización, así como, se é o caso, a emisión de títulos; prestando para tales fins garantías hipotecarias cos terreos integrados na xunta se así resulta preciso.

9. A contratación das obras de urbanización, conforme o previsto na normativa regulamentaria aplicable -Art. 176 do Regulamento de xestión urbanística-.

10. A resolución procedente para a incorporación á xunta de empresas urbanizadoras, sinalando a cota ou cotas de participación e a correlativa modificación das asignadas inicialmente ós membros da xunta.

11. A prestación das garantías que sexan esixidas pola Administración urbanística.

12. A edificación dos soares resultantes.

13. A disolución e liquidación da xunta de compensación.

14. E, en xeral, cantas sexan necesarias ou convenientes para a xestión da xunta de compensación.

Artigo 18º.-Do Consello Rector.

1. O Consello Rector é o órgano permanente de goberno e administración da xunta de compensación, correspondéndolle tódalas funcións de xestión e administración da xunta de compensación que non estean expresamente reservadas á asemblea xeral nos presentes estatutos ou por acordo expreso ela.

2. Son funcións específicas do Consello Rector:

a) A execución dos acordos da asemblea xeral.

b) Administra-los fondos da xunta, para o cal poderá abrir, manter e cerrar contas correntes, de aforro e crédito en institucións financeiras, ingresando e retirando fondos delas á súa conveniencia; facer e esixir pagamentos, cobramentos e liquidacións, calquera que sexa a súa causa xurídica e a persoa ou entidade obrigada; librar, endosar, avalar e descontar letras de cambio, e, en xeral, realizar toda clase de actos e contratos en beneficio dos intereses da xunta.

c) Elevar proposta á asemblea xeral das achegas económicas que terán que realiza-los socios da xunta, facéndoas figurar no orzamento anual ordinario, así como das derramas extraordinarias que sexan necesarias. Unha vez acordadas pola asemblea as derramas ordinarias ou extraodinarias, o Consello establecerá a forma e prazos de pagamento en que han de satisfacerse, e procederá contra os propietarios membros da xunta morosos.

d) Solicitar dos órganos urbanísticos competentes o exercicio das potestades públicas, en beneficio dos intereses da xunta, para proceder á expropiación dos predios os propietarios dos cales non se integren na xunta de compensación, ou estean en descuberto das súas obrigas para con ela, ou para proceder, se é o caso, a solicita-la vía de constrinximento administrativo contra estes últimos.

e) Adxudicar e contrata-las obras de urbanización derivadas dos proxectos previamente aprobados en asemblea xeral, por un importe que en ningún caso exceda do orzamento aprobado así mesmo pola asemblea e seguindo as directrices básicas dadas pola propia asemblea.

f) A representación xurídica da xunta de compensación, por medio da persoa do seu presidente.

g) Exercer cantas facultades lle sexan delegadas pola asemblea xeral de entre as asignadas como funcións propias da asemblea; non poderá ser obxecto de delegación nin a aprobación do orzamento nin a censura de contas.

h) Desempeñar e realizar calquera outra actuación de xestión e representación da xunta de compensación que sexan precisas ou convenientes para os fins da xunta e que non estean expresamente reservadas para a asemblea xeral.

2. Composición: o Consello Rector componse de cinco membros:

a) O presidente, o secretario, o tesoureiro e un vocal, designados todos eles pola asemblea xeral.

b) Un vocal designado polo Concello de Vigo como o seu representante.

As designacións terán que recaer en persoas físicas, non sendo necesario que ostenten a condición de membro da xunta de compensación. O nomeamento realizarase por un período de dous anos, podendo procederse á reelección por períodos de igual duración en virtude de acordo expreso da asemblea xeral. No caso de falecemento, renuncia ou acordo de cesamento dun ou máis membros, o propio consello poderá designar a quen teña que substituílos ata que non provexa a súa renovación a asemblea.

O Consello Rector determinará o seu propio réxime de funcionamento, periodicidade das súas reunións,

acordos e actas. En todo caso, os acordos do Consello Rector adoptaranse por maioría dos seus membros.

3. Do presidente do Consello Rector.

O presidente é o representante legal da xunta de compensación e dos seus órganos de goberno, correspondéndolle a representación xurídica da xunta, contractual e extracontractualmente, na orde xudicial e na extraxudicial e ante calquera persoa, entidade, autoridade, funcionario, organismo, maxistratura, fiscalía, centro, oficina, ou dependencia do Estado, provincia, municipio ou ente autonómicos, xulgado, audiencia, e tribunal de calquera orde, grao e xurisdicción, tanto de dereito público como de dereito privado, exercitando toda clase de accións, excepcións, demandas, denuncias, querelas, acusacións, dereitos e defensas e calquera outra pretensión, ratificándose nelas en cantos casos for mester a ratificación persoal, en calquera asunto, xuízo, expediente ou procedemento civil, criminal, administrativo, contencioso-administrativo, económico-administrativo, social, laboral, gobernativo, de Facenda, de xurisdicción voluntaria e de calquera outra clase, iniciándoos, seguindoos e

terminándoos por tódolos seus trámites, coas máis amplas facultades que se requira; facer, recibir, solicitar e contestar notificacións, citacións, requirimentos e emprazamentos; poderá outorgar poderes en favor de terceiras persoas para o exercicio da dita representación. Correspóndelle igualmente ó presidente, convocar, presidir, suspender e levanta-las sesións da asemblea xeral e do Consello Rector; fixa-la orde do día nas convocatorias dirixi-las deliberacións e decidi-los empates nas votacións co seu voto de calidade; executar e facer cumpri-los acordos da asemblea e do Consello Rector; autoriza-las súas actas, certificados e cantos documentos o requiran; exercer, na forma en que o Consello Rector o determine, calquera actividade bancaria que esixa o funcionamento da xunta e, en xeral, exercer cantas funcións sexan inherentes ó seu cargo ou lle sexan delegadas pola asemblea xeral ou o Consello Rector.

4. O secretario é o fedatario da xunta. Levantará acta das sesións que celebren a asemblea xeral e o Consello Rector, transcribíndoas ó libro de actas e expedindo, por petición da parte interesada, certificados delas co visto e prace do presidente.

5. O tesoureiro terá, como funcións, realizar, co control que para o efecto acorde o Consello Rector, os pagamentos e cobramentos que correspondan ós fondos da xunta, así como a custodia destes, leva-la contabilidade da xunta, render contas da xestión orzamentaria da entidade, e cumprir tódalas demais obrigas que, respecto ó seu cometido, se establezan por disposicións legais ou acordos da xunta.

6. No caso de ausencia do presidente, os restantes asistentes á reunión do consello designarán entre eles, por maioría, o membro que desempeñe provisionalmente tal cargo.

Título VII

Do réxime económico da xunta de compensación

Artigo 19º.-Patrimonio.

O patrimonio da xunta estará integrado polos bens e dereitos que, por calquera título, sexan adquiridos por ela.

Artigo 20º.-Achegas e medios económicos, ingresos e gastos.

1. As achegas dos membros da xunta de compensación estarán constituídas por:

a) A totalidade dos terreos e dereitos que resulten afectados pola actuación, sen prexuízo do respecto das edificacións preexistentes de acordo co disposto nas bases de actuación.

b) As cotas ou derramas pagadas polos membros con carácter ordinario ou extraordinario que fixe a asemblea xeral ou o Consello Rector.

c) As subvencións e doazóns que se obteñan.

d) Os productos dos alleamentos de bens dos que sexa titular a xunta.

e) As rendas e froitos do seu patrimonio.

f) As achegas das empresas urbanizadoras, no caso da súa incorporación á xunta de compensación, así como as participacións e ingresos que procedan de convenios con outras entidades e organismos para a realización de fins urbanísticos.

2. Serán gastos da xunta:

a) A promoción da actuación urbanística.

b) A execución das obras de urbanización e, se é o caso, das obras de edificación.

c) O aboamento dos honorarios ós profesionais que interveñan no desenvolvemento do planeamento, así como os gastos administrativos.

d) Indemnizacións por expropiacións de bens e dereitos, cando a xunta fose beneficiaria da expropiación.

e) Calquera outro que sexa necesario para o cumprimento do obxecto da xunta de compensación.

Artigo 21º.-Das achegas dos propietarios pertencentes á xunta de compensación.

1. Correspóndelle á asemblea xeral a fixación das achegas ou cotas que con carácter ordinario -contidas no orzamento que cada ano sexa sometido á súa aprobación, e destinadas a lles facer frente ós gastos de promoción da actuación urbanística, execución das obras de urbanización, aboamento de honorarios profesionais por elaboración de proxectos, dirección de obras, asesoramentos, intervención en procedementos de reclamación, etc., indemnizacións por expropiación de bens e dereitos, e calquera outro gasto que sexa preciso para o cumprimento do obxecto da xunta- ou extraordinario -as que se fixen con tal carácter por acordos específicos

da asemblea xeral, en tanto que inicialmente non recollidas no orzamento anual- deban ser satisfeitas polos membros da xunta de compensación. Unha vez establecida a súa contía pola asemblea, corresponde xa ó Consello Rector a determinación da forma e condicións de pagamento de tales achegas. A contía de tales achegas será proporcional ás cotas de participación de cada membro da xunta, incluído o Concello de Vigo pola súa participación como propietario, se é o caso.

2. Salvo que outra cousa se dispoña, o ingreso das achegas que vaian realiza-los membros da xunta realizarase no domicilio social o na conta bancaria que para tal fin indique o Consello Rector, dentro do mes seguinte á data de notificación do acordo do Consello Rector requirindo o pagamento. Transcorrido o dito prazo, a débeda do socio moroso devengará un xuro igual ó legal do diñeiro máis dous puntos, ata o seu total pagamento. Así mesmo, vencido o prazo de pagamento en período voluntario, a débeda será recargada ademais cun 10 por 100 do seu principal en concepto de resarcimento dos danos e prexuízos que a demora no pagamento lle ocasiona á xunta. Así mesmo, o Consello Rector procederá á súa decisión, ou ben a solicitar do Concello de Vigo o cobramento da débeda por vía de constrinximento administrativo, ou á súa reclamación pola vía xudicial ordinaria ou, se así se estima oportuno e se trata dunha actitude de reiterado incumprimento polo membro da xunta, a solicita-la expropiación

dos terreos propiedade do membro da xunta moroso, en beneficio da propia xunta de compensación.

Artigo 23º.-Achega de terreos.

1. A participación nos dereitos e obrigas comúns e a conseguinte adxudicación de parcelas resultantes da urbanización vén determinada polo número de unidades de valor que corresponden ós predios achegados por cada un dos propietarios, calculada de acordo co disposto nestes estatutos e nas bases de actuación.

2. Se os terreos estivesen gravados con algunha carga real, o propietario afectado terá que compartir co titular do dereito real a cota atribuída.

Se non se declara a carga ou se as declaracións non se axustan á realidade, os prexuízos que puidesen resultar serán por conta do propietario que incorrese na omisión, e do valor das parcelas que lle correspondan deducirase o que resulte das cargas omitidas.

3. No caso das indemnizacións que procedan pola extinción de contratos de arrendamento de vivendas, locais de negocio ou industria, serán sufragadas inicialmente por conta da xunta de compensación, se ben a cota do propietario do inmoble gravado co arrendamento se reducirá no equivalente ó importe investido pola xunta na redención da carga, salvo que o propietario reembolse a indemnización aboada pola xunta.

4. O valor dos demais bens e dereitos afectados pola execución do planeamento que non deban subsistir ó levarse a efecto a urbanización, entendéndose por tales exclusivamente aqueles que teñan que demolerse para a execución material da urbanización en solo que haxa de ser obxecto de cesión con destino a uso público ou a servicios da unidade de execución, determinarase para efectos da súa indemnización de acordo coas bases de actuación, pero non influirá na participación dos membros da xunta.

Título VIII

Réxime xurídico dos acordos, responsabilidades e sancións

Artigo 24º.-Executividade dos acordos e dos recursos.

1. Os acordos dos órganos de goberno da xunta de compensación serán executivos, salvo aqueles que precisen aprobación posterior polos órganos competentes da Administración.

2. Os acordos do Consello Rector poderán ser impugnados ante a asemblea xeral polos membros da xunta de compensación, dentro dun prazo de 15 días hábiles seguintes á data da súa notificación; a asemblea deberá resolver estas impugnacións nun prazo de dous meses contados desde a data de presentación da impugnación; a falta de resolución expresa no dito prazo entenderase como desestimación por silencio.

3. Contra os acordos da asemblea xeral, expresos ou presuntos por silencio, cabe pola súa vez recurso de alzada ante o Concello de Vigo, no prazo dos quince días hábiles seguintes ó da súa notificación ou á data na que se entendan adoptados por silencio.

4. Só están lexitimados para a impugnación dos acordos da asemblea xeral aqueles membros que non votasen a favor do acordo por si ou a través dun representante.

Artigo 25º

Os membros da xunta de compensación non poderán promover interdictos de reter ou recobra-la posesión fronte a resolucións da asemblea adoptadas co quórum preciso e en virtude das facultades fiduciarias de disposición sobre os predios daqueles. Tampouco procederá a acción interdictal cando a xunta de compensación ocupe bens que sexan precisos para a execución das obras de urbanización que sexan conformes co planeamento e proxecto de urbanización.

Artigo 26º

Sen prexuízo da executividade dos acordos, o membro da xunta desconforme e que interpoña recurso contra un acordo poderá pedir cautelarmente a súa suspensión; neste caso será decisión da asemblea acceder a ela en tanto non se resolva o recurso interposto, podendo pedir para tal fin afianzamento en contía suficiente para responder dos danos que poidan producirselle á entidade.

Artigo 27º

O incumprimento reiterado polos membros da xunta das obrigas e cargas impostas pola lei ou por estes estatutos, cando o incumprimento se refire ós prazos para cumpri-los ditos deberes e cargas, habilitará o concello para, por requirimento do Consello Rector e logo de acordo da asemblea, proceder á expropiación en beneficio da xunta, dos terreos do membro infractor.

Artigo 28º.-Do proxecto de compensación.

En desenvolvemento dos criterios resultantes das bases e do planeamento aplicable, redactarase o proxecto de compensación no que se reflectirán os predios achegados e os resultantes, así como os seus adxudicatarios; os terreos que, se é o caso, se teñan que ceder ou correpondan pola normativa legal aplicable ó concello, e o importe das compensacións en metálico, se fosen procedentes. Aprobado o proxecto pola xunta e polo concello, servirá de título para a adxudicación dos terreos e para a inscrición rexistral.

Título IX

Da disolución e liquidación da xunta de compensación

Artigo 29º.-Da disolución.

1. Serán causas de disolución da xunta de compensación:

a) Cumprimento do obxecto e fins da xunta.

b) Por acordo da asemblea xeral adoptado co voto favorable de membros que represente, polo menos, o cincuenta por cento das cotas de participación. Os membros da xunta, por subrogación, quedarán obrigados ó cumprimento das obrigas contraídas pola xunta e suxeitos ás responsabilidades subsidiarias que puideren corresponder en dereito.

2. O acordo de disolución requirirá a aprobación do concello, e o cumprimento do disposto, para o efecto, na normativa urbanística.

Artigo 30º.-Liquidación da xunta de compensación.

Acordada validamente a disolución da xunta, procederase á súa liquidación polo Consello Rector, mediante o cobramento de créditos e pagamento de débedas, e o remanente, terreos, dereitos ou metálico, distribuirase entre os membros da xunta en proporción á súa participación na xunta de compensación.

Disposición derradeira

Os presentes estatutos, unha vez aprobados e inscritos no Rexistro de Entidades Urbanísticas Colaboradoras, terán natureza obrigatoria para os membros da xunta e para a Administración; calquera modificación que acorde a asemblea xeral requirirá, así mesmo, a aprobación por parte da Administración

e a súa inscrición no rexistro antes indicado para producir plenos efectos.

-Comunidade de Bens Santo André:

Asdo.: Alonso Macías.

Asdo.: Campins Traspuesto.

-Dalphi Metal Esparza, S.A.:

Asdo.: Cabo Cibeira.

Bases de actuación da xunta de compensación da unidade de execución denominada UE Ind. II-04, de Santo André de Comesaña, Plan Xeral de Ordenación Urbana do T.M. de Vigo.

Primeira.-Ámbito territorial e finalidade.

1.1. As presentes bases de actuación refirense á xunta de compensación da UE Ind. II-04 de Santo André de Comeseña, do Plan Xeral de Ordenación Urbana do termo municipal de Vigo.

1.2. A finalidade destas bases é regulamenta-la incorporación á xunta de compensación dos propietarios de terreos incluídos no ámbito da indicada unidade de execución, a valoración das súas achegas, a execución da urbanización, a cesión de terreos dotacionais ó concello, e o reparto de beneficios e cargas derivados do planeamento que se executa con adxudicación ós membros da xunta de compensación e, se é o caso, ó concello, na proporción que corresponda, dos predios resultantes da urbanización concretados no proxecto de compensación; intervén como Administración urbanística o Concello de Vigo, que constitúe o organo de control e fiscalización.

Segunda.-Réxime legal e regulamento aplicable.

2.1. A aplicación do sistema de compensación na presente unidade de execución rexerase polo disposto nas presentes bases de actuación, e no non previsto nelas, pola normativa urbanística de ámbito estatal e da Comunidade Autónoma de Galicia.

2.2. A aprobación das presentes bases de actuación polo Concello de Vigo supón o seu obrigado cumprimento por parte dos propietarios e empresas urbanizadoras que se incorporen á xunta de compensación.

2.3. Este carácter obrigatorio non impide a modificación das presentes bases, se ben esta requirirá a súa aprobación en asemblea xeral, co voto favorable de membros da xunta que representen, polo menos, o cincuenta por cento das cotas de participación -respectándose, en todo caso, a porcentaxe mínima que a lexislación vixente estableza para o efecto-; deberán obterse posteriormente as preceptivas aprobacións do Concello de Vigo.

Terceira.-Actuacións que comprende.

A actuación por compensación comprenderá, entre outras:

A) A formulación do proxecto de compensación, conforme o establecido na Lei de réxime do solo e ordenación urbana e Regulamento de xestión urbanística.

B) A expropiación dos predios dos propietarios non incorporados á xunta da que será beneficiaria a propia xunta de compensación. O procedemento de expropiación seguirá o regulado na lexislación urbanística, en canto a valoración.

C) A transmisión gratuíta ó concello, en pleno dominio e libre de cargas de tódolos terreos que, se é o caso, sexan de cesión obrigatoria e das obras e instalacións que deban executa-los propietarios pola súa conta. A efectividade das ditas cesións producirase a través do proxecto de compensación.

D) A redacción do proxecto de urbanización e o custeamento íntegro por parte da xunta e, pola súa conta, das obras de urbanización previstas no citado proxecto ou na edificación, así como os demais gastos inherentes ou asimilados.

E) A xunta de compensación poderá acordar tamén, por maioria dos seus membros, que a propia xunta de compensación proceda a edificar todos ou parte dos soares.

Cuarta.-Criterios de valoración dos predios achegados.

4.1. Os dereitos e deberes dos propietarios determínanse en proporción ás súas respectivas cotas de participación.

4.2. Tendo en conta que o grao de aproveitamento urbanístico das distintas parcelas é homoxéneo en relación á súa localización e está especificado en proporción ás súas respectivas superficies, fíxase como unidade de valor o metro cúbico de edificabilidade por cada metro cadrado de superficie das respectivas parcelas; a cada propietario asignaránselle tantas unidades de valor como metros cadrados de superficie teñan as súas parcelas dentro da zona de actuación. A determinación das superficies efectuarase de acordo co que resulte dos títulos de propiedade, prevalecendo, en caso de discordancia entre estas e a realidade física, esta sobre aqueles, segundo, pois, medición real.

4.3. Nos supostos de discrepancia sobre a propiedade dun terreo, parte del ou dos seus lindeiros, a superficie discutida considerarase pertencente por partes iguais ós discrepantes, ata tanto no se resolva por acordo ou resolución xudicial; salvo que da proba documental achegada por algún dos discrepantes se deriven indicios suficientes a xuízo da xunta de compensación en favor da súa titularidade; neste caso provisionalmente adxudicaráselle a ela, tamén sen prexuízo do que no seu día se resolva por acordo ou en vía xudicial; e de non seren aplicables estas regras, a propiedade conceptuarase de litixiosa, asumindo o Concello de Vigo a representación destas titularidades para efectos de tramitación do expediente.

4.4. O aproveitamento asignado a cada terreo obxecto de achega efectuarase tendo en consideración o aproveitamento que por normativa vixente lle corresponda ó Concello de Vigo.

Quinta.-Predios que se van expropiar e a súa valoración.

5.1. A xunta de compensación será beneficiaria das expropiacións que realice o Concello de Vigo respecto ás propiedades non incorporadas á xunta, ou por incumprimento por parte dos incorporados das súas obrigas legais ou estatutarias.

5.2. As expropiacións axustaranse ó procedemento xeral establecido na Lei de expropiación forzosa, pero os terreos valoraranse de acordo cos criterios establecidos na lexislación urbanística.

Sexta.-Criterios de valoración das edificacións, obras, plantacións e instalacions que deban demolerse.

6.1. As edificacións, obras, plantacións, instalacións e outros elementos existentes sobre os predios achegados non se considerarán como valores achegados para efectos de determina-la cota de participación, pero aqueles que deban demolerse serán valorados, indemnizándose ós seus propietarios con cargo ó proxecto de compensación, en concepto de gastos de urbanización.

6.2. Entenderase necesario o derribo cando sexa precisa a súa eliminación para realiza-las obras de urbanización previstas no planeamento; cando estean situados en superficies que non se deban adxudicar integramente ós propietarios incorporados á xunta, e cando a súa conservación, incluso como uso provisional, sexa radicalmente incompatible coa ordenación urbanística establecida.

6.3. Para a determinación dos elementos que se vaian derribar e a súa expropiación, é aplicable o procedemento xeral da lexislación expropiatoria, sendo expropiante o concello, e beneficiaria a xunta de compensación.

6.4. As edificacións e instalacións taxaranse tendo en conta a valoración dos materiais empregados e o seu posible valor arquitectónico, con deducción dunha porcentaxe por estado de vida do inmoble ou por estado de conservación da obra ou construcción; todo iso de conformidade coas regras de valoración establecidas para efectos do imposto municipal sobre bens inmobles. As actividades industriais ou comerciais que teñan que desaparecer valoraranse de acordo cos criterios da lexislación expropiatoria.

Sétima.-Criterios de valoración de dereitos reais, servidumes prediais e dereitos persoais.

7.1. En principio, e se fose xuridicamente posible, os propietarios dos predios achegados deberán liberalos das cargas, gravames e arrendamentos que pesen sobre eles, sendo pola súa conta os gastos ocasionados pola liberación.

7.2. Existindo subrogación real do predio resultante con respecto ó achegado, as cargas e dereitos reais sobre este que non fosen cancelados, pero que resultasen compatibles co planeamento urbanístico,

non se extinguirán, e neste caso, aínda que non sexan mencionadas no proxecto de compensación e adxudicación posterior dos predios resultantes, non serán obxecto de valoración, e os titulares de tales dereitos serán adxudicatarios, no mesmo concepto en que o fosen anteriormente, nas parcelas gravadas, por aplicación do principio de subrogación real.

7.3. Cando non opere a subrogación real, ou, aínda operando, a subsistencia de dereitos reais, cargas, dereitos de arrendamento ou calquera outro, resultase incompatible co planeamento urbanístico, o acordo aprobatorio do proxecto de compensación declarará a súa extinción e fixará a indemnización correspondente; o dito acordo producirá os mesmos efectos que a acta de ocupación para efectos expropiatorios; a subrogación real non terá lugar cando no haxa exacta correspondencia entre os predios adxudicados cos antigos, e no caso de que os predios resultantes se adxudiquen pro indiviso ou con modificación substancial das condicións da primitiva titularidade.

7.4. Existindo subrogación real e compatibilidade co planeamento dos dereitos reais e cargas constituídos sobre o predio achegado, se a situación e características do novo predio fosen incompatibles coa súa subsistencia, as persoas ás que estes dereitos ou cargas favorecesen poderán obte-la súa transformación nun dereito de crédito con garantía hipotecaria sobre o novo predio, na contía que a carga sexa valorada polo proxecto de compensación ou por dictame pericial.

7.5. O proxecto de compensación fixará as indemnizacións que teñan que recibi-los titulares de cargas ou dereitos reais que se extingan, aplicando analoxicamente os criterios fixados nas normas tributarias.

7.6. As situacións arrendaticias de predios achegados, os propietarios dos cales non extinguisen antes da achega á xunta de compensación, valoraranse conforme o número 3 do artigo 137 do Regulamento de xestión urbanística, tendo especialmente en conta o prazo que faltase de vixencia contractual conforme a Lei de arrendamentos urbanos actualmente vixente; as indemnizacións que procedan pola extinción destes contratos de arrendamento de vivendas, locais de negocio ou industria, serán sufragadas inicialmente por conta da xunta de compensación, aínda que a cota do propietario do inmoble gravado co arrendamento se reducirá no equivalente ó importe investido pola xunta na redención da carga, salvo que o propietario reembolse a indemnización aboada pola xunta.

Oitava.-Criterios de valoración de achegas de empresas urbanizadoras.

8.1. A valoración da achega de empresas urbanizadoras efectuarase tendo en conta o custo do

proxecto de urbanización, ou das partidas del que vaia financiar e/ou executar en relación co valor do solo do sector; convirase coa xunta, no momento da incorporación, se esta cifra é definitiva ou se serán de aplicación de prezos ou de estabilización de custos, adoptándose o acordo aprobatorio da incorporación pola asemblea xeral.

8.2. A participación da empresa diminuirá a dos membros propietarios na medida en que así resulte da cota de participación asignada á empresa.

Novena.-Procedemento para contrata-la execución das obras de urbanización e, se é o caso, as de edificación.

9.1. A execución das obras de urbanización poderá ser realizada, en todo ou en parte, por empresas urbanizadoras incorporadas á xunta.

9.2. Noutro caso, e en calquera suposto, a edificación será feita pola empresa ou empresas que determine o Consello Rector, seguindo o criterio establecido pola asemblea xeral para a selección do contratista.

Décima.-Prazos e forma de pagamento das cotas.

10.1. As cotas ordinarias ou extraordinarias serán pagadas na forma prevista nos estatutos.

10.2. O pagamento deberá facerse en moeda de curso legal, pero mediante acordo da asemblea xeral poderá facerse, en todo ou en parte, mediante a transmisión á xunta da propiedade de terreos incorporados ó sistema de compensación.

10.3. A transmisión en pleno dominio de terreos á xunta implica a correspondente diminución, para o transmitente, da súa cota de participación na xunta.

Décimo primeira.-Expropiación por incumprimento de obrigas.

11.1. Con independencia das expropiacións que procedan por falta de incorporación á xunta, aquelas proceden tamén por incumprimento dos membros incorporados das súas obrigas legais e estatutarias. En concreto, son causas de expropiación como sanción por incumprimento, as seguintes:

a) Non pagamento das cotas ordinarias ou extraordinarias nos prazos establecidos nos estatutos, se nunha anterior ocasión fora necesario acudir con respecto a este mesmo propietario á vía de constrinximento ou de reclamación por vía xudicial ordinaria.

b) En xeral, o incumprimento reiterado dalgunha das obrigas sinaladas nos estatutos -especialmente das recollidas no Art. 13- apreciado como tal pola asemblea xeral e aprobada tal sanción pola asemblea e, se é o caso, polo Concello de Vigo.

11.2. Respecto ó procedemento expropiatorio, haberá que atarse ó sinalado na base quinta.

Décimo segunda.-Alleamento de terreos pola xunta.

12.1. Con obxecto de lles poder facer frente ós gastos de urbanización, e na súa condición de fiduciaria dos propietarios, a xunta de compensación poderá allear algún ou algúns dos inmobles achegados, ou constituír gravames reais sobre eles, logo de acordo da asemblea xeral acerca da oportunidade de facelo e prezo.

12.2. O adquirente quedará subrogado en tódolos dereitos e obrigas que lle corresponderían ó titular primitivo do terreo en relación coa xunta de compensación; minorarase, proporcionalmente, a cota de participación dos restantes asociados.

Décimo terceira.-Responsabilidade da xunta de compensación.

13.1. A xunta de compensación será directamente responsable fronte ó Concello de Vigo da execución do planeamento na UE.

13.2. A xunta de compensación será responsable ante cada un dos seus membros polo dano patrimonial que puidesen experimentar pola actuación daquela.

Décimo cuarta.-Afección real dos terreos.

14.1. Os terreos incorporados á xunta quedan afectos ó cumprimento das obrigas inherentes ó sistema, o que se fará constar no Rexistro da Propiedade.

14.2. Os predios resultantes quedarán afectos, con carácter real, ó pagamento dos custos de execución da urbanización na proporción que corresponda, afección que se cancelará mediante certificación da xunta de compensación unha vez pagados os custos, á que se unirá certificación da Administración acreditativa tamén da recepción das obras.

Décimo quinta.-Valoración dos predios resultantes.

15.1. Tendo en conta a homoxeneidade de aproveitamento das distintas parcelas, a valoración efectuarase pola edificabilidade atribuída a cada parcela resultante, a razón dunha unidade de valor por cada metro cúbico de edificabilidade.

15.2. Cando non sexa posible a correspondencia exacta entre a cota de participación dun membro da xunta e a cota de adxudicación en terreos, o defecto ou o exceso compensará en metálico, atendendo ó prezo medio dos terreos adxudicados, referido ó aproveitamento concreto percibido en exceso ou deixado de percibir en terreo.

Décimo sexta.-Regras para a adxudicación dos predios resultantes.

16.1. Os propietarios incorporados á xunta de compensación, o concello en relación ó aproveitamento lucrativo que, se é o caso, e conforme a normativa vixente que sexa aplicable, non sexa susceptible de apropiación privada, e, de habelas, as empresas

urbanizadoras teñen dereito á adxudicación en propiedade dos predios resultantes.

16.2. Cando a escasa contía dos dereitos dalgúns propietarios non permita que se lles adxudiquen predios independentes a todos eles, adxudicaránselles predio ou predios resultantes en pro indiviso.

16.3. Non se farán adxudicacións que excedan do 15 por 100 dos dereitos dos propietarios; polo contrario, tratarase de axusta-las adxudicacións sempre por defecto, procurando, cando sexa posible, que este non supere o 15 por 100 dos expresados dereitos.

16.4. Se a contía do dereito dalgún propietario non alcanzase o 15 por canto da parcela mínima edificable, a adxudicación poderá substituirse por unha indemnización en metálico.

16.5. Non poderán adxudicarse como predios independentes as superficies inferiores á parcela mínima edificable, ou que non reúnan a configuración e características adecuadas para a súa edificación conforme o planeamento.

Décimo sétima.-Regras para a distribución de beneficios e perdas.

A distribución de beneficios e perdas resultantes da actuación pola xunta de compensación farase tendo en conta as respectivas cotas de participación dos seus membros.

Décimo oitava.-Do proxecto de compensación.

18.1. De acordo cos criterios establecidos nestas bases, a xunta formulará un proxecto de compensación que conterá as determinacións seguintes:

a) Descrición das propiedades antigas, segundo os títulos achegados, coas correccións procedentes, e, en defecto de títulos, segundo planos. Expresaranse as cargas e gravames, condicións e demais dereitos que os afecten; o respectivo propietario e a súa cota de participación.

b) Descrición dos predios resultantes, -incluíndo, se é o caso, e en función da normativa que sexa aplicable, o que lle poida corresponder ó Concello de Vigo en tanto que porcentaxe de aproveitamento non susceptible de apropiación privada-, titulares ós que se adxudiquen, e concepto en que o foren. Expresarase respecto de cada predio o antigo ó que corresponda ou o dereito que dá lugar á adxudicación, así como as cargas e gravames, condicións, substitucións e demais dereitos que os afecten, por non seren incompatibles co planeamento, e o aproveitamento urbanístico que a cada predio corresponda.

c) Localización dos terreos dotacionais de cesión obrigatoria.

d) Superficies ou parcelas que a propia xunta se reserve, se é o caso, para allealas directamente, co fin de sufraga-los gastos previstos da urbanización.

e) Compensacións en metálico, se foren procedentes, por diferencias de adxudicación.

f) Contía da participación de cada un dos predios adxudicados nos custos de urbanización, ós que quedan aqueles gravados con carga real.

18.2. O proxecto de compensación someterase, logo de audiencia de tódolos afectados polo prazo dun mes, á aprobación da asemblea xeral, debendo adoptarse o correspondente acordo co voto favorable de membros da xunta que represente polo menos os dous tercios das cotas de participación, e respectándose en todo caso a porcentaxe mínima que legalmente se estableza na normativa vixente. O proxecto así aprobado someterase á aprobación definitiva do Concello de Vigo.

18.3. Unha vez aprobado definitivamente o proxecto de compensación, o concello procederá a outorgar escritura pública ou a expedir certificación, coas solemnidades e requisitos legais e co contido esixido polo Art. 113 do Regulamento de xestión urbanística. A escritura pública ou o documento administrativo será inscrito no Rexistro da Propiedade.

18.4. O acordo de aprobación definitiva do proxecto de compensación producirá a cesión de dereito ó Concello de Vigo, en pleno dominio e libre de cargas, de tódolos terreos que sexan de cesión obrigatoria e gratuíta segundo o estudio de detalle que se executa. O propio acordo producirá a cesión dos predios resultantes en que se localizase o dereito porcentual do aproveitamento que, se é o caso, lle corresponda ó concello.

Décimo novena.-Momento de edificación dos soares.

No caso de que conveña ós intereses xerais da xunta de compensación que se edifique algún ou algúns dos soares, poderá acordarse así en asemblea xeral, determinando o volume a conta concedido, e o comezo da edificación será posible antes de concluída a urbanización.

Vixésima.-Conservación da urbanización.

20.1. Ata o momento en que a xunta de compensación se disolva o se converta en entidade urbanística colaboradora de conservación, terá ó seu cargo o mantemento da urbanización, repercutíndose os seus custos entre os propietarios de parcelas, en función da súa cota de participación na xunta, excepto os servicios que poidan ser medidos por contador ou aforo que o serán en proporción ó consumo e gasto habido.

20.2. O non pagamento das cotas de conservación daralle dereito á xunta a solicitar do concello o seu cobramento en vía de constrinximento administrativa.

Vigo, 15 de xaneiro de 1998.

Manuel Pérez Álvarez

Alcalde-presidente da Xerencia Municipal

de Urbanismo